यूपी: हिंदू महासभेच्या नेत्याचा दिवसाढवळ्या खून

लखनऊ: उत्तर प्रदेशातील लखनऊ येथे हिंदू महासभेचे नेते कमलेश तिवारी यांची दिवसाढवळ्या गळा चिरून हत्या करण्यात आली आहे. हल्लेखोरांनी तिवारी यांच्या कार्यालयात घुसून त्यांचा गळा चिरला. नंतर त्यांच्यावर गोळ्याही झाडल्या. यात तिवारी यांचा...



लखनऊ: उत्तर प्रदेशातील लखनऊ येथे हिंदू महासभेचे नेते कमलेश तिवारी यांची दिवसाढवळ्या गळा चिरून हत्या करण्यात आली आहे. हल्लेखोरांनी तिवारी यांच्या कार्यालयात घुसून त्यांचा गळा चिरला. नंतर त्यांच्यावर गोळ्याही झाडल्या. यात तिवारी यांचा मृत्यू झाला. या घटनेनंतर लखनऊ शहरात प्रचंड तणाव असून बाजारपेठा व दुकानं बंद करण्यात आली आहेत. तिवारी यांचं लखनऊमधील नाका परिसरातील खुर्शीद बाग येथे कार्यालय आहे. दोन इसम त्यांना भेटण्यासाठी कार्यालयात आले. दोघांकडेही मिठाईचे डबे होते. त्यात धारदार चाकू होते. सूत्रांनी दिलेल्या माहितीनुसार, हल्लेखोरांनी तिवारी यांच्याशी चर्चा केली. त्यांच्यासोबत चहा देखील घेतला. त्यानंतर त्यांचा गळा चिरून ते फरार झाले. या घटनेची माहिती मिळताच, तिवारी यांना तात्काळ रुग्णालयात दाखल करण्यात आलं. मात्र, तिथं त्यांना मृत घोषित करण्यात आलं. हत्येपूर्वी त्यांना एक फोनही आला होता. हा फोन नेमका कोणी केला होता? हल्लेखोर परिचितांपैकी होते का?, याची चौकशी पोलिसांनी सुरू केली आहे. तिवारी यांना आलेल्या मोबाइल क्रमांकही ट्रेस केला जात आहे. मोहम्मद पैगंबरांविषयी केलेल्या आक्षेपार्ह वक्तव्यामुळं तिवारी काही दिवसांपूर्वी वादात अडकले होते. अलाहाबाद उच्च न्यायालयाच्या लखनऊ खंडपीठानं अलीकडंच त्यांच्यावर राष्ट्रीय सुरक्षा कायद्यांतर्गत दाखल करण्यात आलेला गुन्हा मागे घेण्याचे आदेश दिले होते.

हवामान