ZEE5 वर 27 फेब्रुवारी 2026 रोजी क्रांतिज्योती विद्यालय मराठी माध्यम

~ चित्रपटगृहात घवघवीत यश मिळवल्यानंतर मराठी भाषा गौरव दिनाच्या दिवशी या लोकप्रिय मराठी चित्रपटाचा डिजिटल प्रीमियर होणार ~
नॅशनल, 20 फेब्रुवारी 2026 : या वर्षाच्या सुरुवातीला क्रांतिज्योती विद्यालय मराठी माध्यम हा चित्रपट चित्रपटगृहांमध्ये प्रदर्शित झाला. या चित्रपटाला प्रेक्षकांकडून भरभरून प्रेम मिळाले. आता हा चित्रपट जगभरातील प्रेक्षकांपर्यंत पोहोचण्यासाठी सज्ज झाला आहे. मराठी ZEE5 वर 27 फेब्रुवारी 2026 रोजी या चित्रपटाचा वर्ल्ड डिजिटल प्रीमियर होणार आहे. हेमंत ढोमे दिग्दर्शित आणि क्षिती जोग व विराज गवस, उर्फी काझमी आणि अजिंक्य धमाल यांची निर्मिती केलेला क्रांतिज्योती विद्यालय मराठी माध्यम हा संवेदनशील सामाजिक विषयावरील चित्रपट आहे. मराठी माध्यमातून शिक्षण घेण्याचा आनंद, जिद्द, शाश्वतता आणि सांस्कृतिक अभिमान यांचा गौरव या चित्रपटाच्या माध्यमातून करण्यात आला आहे. समकालीन आव्हानांना सामोरे जाताना आपली मुळे आणि ओळख जपणाऱ्या एका मराठी शाळेचा आणि या शाळेशी संबंधित माणसांचा भावनिक प्रवास या चित्रपटात प्रभावीपणे मांडण्यात आला आहे. मराठी भाषा गौरव दिनी या चित्रपटाचा डिजिटल प्रीमियर होणार असल्यामुळे या प्रसंगाला अधिक अर्थ प्राप्त झाला आहे. मातृभाषेतील शिक्षणाचे महत्त्व आजही तितकेच कायम असल्याचा संदेश या निमित्ताने अधिक ठळकपणे अधोरेखित करण्यात आला आहे.
सचिन खेडेकर, अमेय वाघ, प्राजक्ता कोळी (मराठी चित्रपटातील पदार्पण), क्षिती जोग, सिद्धार्थ चांदेकर, हरीश दुधाडे, पुष्कराज चिरपुटकर आणि कादंबरी कदम अशा उत्तम कलाकारांची मांदियाळी असलेल्या या चित्रपटाने चित्रपटगृहांमध्ये प्रेक्षकांच्या मनाला भावला. आता डिजिटल प्रीमियरच्या माध्यमातून तो आणखी अनेकांना प्रेरणा देण्यासाठी सज्ज झाला आहे. सशक्त कथानक, प्रभावी अभिनय आणि मराठी माध्यम शिक्षणसंस्थांना दिलेली भावनिक मानवंदना यामुळे क्रांतिज्योती विद्यालय मराठी माध्यम हा चित्रपट पुन्हा एकदा प्रेक्षकांच्या मनात घर करण्यास सज्ज झाला आहे. हा चित्रपट 27 फेब्रुवारी 2026 पासून केवळ मराठी ZEE5 वर पाहता येणार आहे.
चित्रपट मराठी ZEE5वर आणण्याबाबत झी मराठीच्या मुख्य चॅनल अधिकारी आणि मराठी ZEE5च्या बिझनेस हेड हेमा व्ही. आर. म्हणाल्या, “मराठी भाषा दिवस हा आपल्यासाठी अत्यंत अभिमानाचा क्षण आहे. पिढ्यान् पिढ्या चालत आलेली संस्कृती, ओळख आणि कथा सांगण्याची परंपरा जपणाऱ्या भाषेचा हा उत्सव आहे. क्रांतिज्योती विद्यालय मराठी माध्यम या चित्रपटाच्या मराठी ZEE5वरील प्रदर्शानाच्या माध्यमातून, या राज्याच्या सांस्कृतिक जडणघडणीत मराठी भाषा आणि मराठी शाळांचे महत्त्व अधोरेखित करणारी कथा प्रेक्षकांपर्यंत पोहोचवण्याचा मान आम्हाला लाभत आहे. ZEE5मध्ये आमची बांधिलकी केवळ कंटेंट उपलब्ध करून देण्यापुरती मर्यादित नाही. मराठी प्रेक्षकांना त्यांच्या स्वतःच्या भाषेत उत्कृष्ट कथा जाणून घेता येतील, अनुभवता येतील आणि त्यांच्याशी जोडता येईल, असे व्यासपीठ उभारण्याचा आमचा प्रयत्न आहे. या दिशेने आमचा ‘लँग्वेज पॅक’ उपक्रम हे महत्त्वाचे पाऊल आहे. या उपक्रमामुळे वापरकर्त्यांना मराठीत सहजपणे कंटेंट पाहता येतो आणि भाषा ही अडथळा न ठरता, दर्जेदार मनोरंजनापर्यंत पोहोचण्याचा दुवा ठरते. मराठी कंटेंट इकोसिस्टिम अधिक भक्कम करण्यासाठी आणि प्रेक्षकांना रुचतील अशा अर्थपूर्ण कथा सादर करण्यासाठी आम्ही सातत्याने कटिबद्ध आहोत.”
निर्माती आणि अभिनेत्री क्षिती जोग म्हणाल्या, “क्रांतिज्योती विद्यालय मराठी माध्यम या चित्रपटाची निर्मिती एका खोल भावनिक जाणीवेतून झाली आहे. एक निर्माती म्हणून मला नेहमीच असे वाटत आले आहे की सिनेमामध्ये संस्कृती जपण्याची, संवाद सुरू करण्याची आणि आपण कोण आहोत याची आठवण करून देण्याची ताकद आहे. हा चित्रपट अत्यंत प्रेमाने आणि या चित्रपटातून देण्यात आलेल्या संदेशावर असलेल्या ठाम विश्वासातून साकारण्यात आला आहे. मातृभाषेतील शिक्षण हे केवळ भाषेपुरते मर्यादित नसून ओळख, आत्मविश्वास आणि सांस्कृतिक सातत्याशी जोडलेले आहे, हा त्याचा गाभा आहे. आता हा चित्रपट चित्रपटगृहांतून मराठी ZEE5सारख्या जागतिक व्यासपीठावर पोहोचताना पाहणे अत्यंत खास आहे. यामुळे ही कथा काय उपलब्ध असेल, नव्या प्रेक्षकांपर्यंत पोहोचेल आणि आपल्या परंपरेचा अभिमान निर्माण करताना प्रादेशिक शिक्षणाच्या भविष्यासंदर्भातील वैचारिक संवादालाही चालना मिळेल, अशी मला आशा आहे.”
दिग्दर्शक हेमंत ढोमे यांनी पुढे सांगितले, “हा चित्रपट मराठी माध्यम शाळांचा आणि त्यांच्याशी जोडलेल्या भावनिक विश्वाचा उत्सव आहे. अभिमान, आपलेपणा आणि आपला भाषिक व सांस्कृतिक वारसा जपण्याचे महत्त्व या चित्रपटातून मांडण्यात आले आहे. चित्रपटगृहांत प्रेक्षकांकडून मिळालेले प्रेम भारावून टाकणारे होते. आता मराठी ZEE5च्या माध्यमातून असंख्य घरांपर्यंत आणि मनांपर्यंत पोहोचण्याची संधी मिळत आहे.”
मुख्य अभिनेता सचिन खेडेकर म्हणाले, “क्रांतिज्योती विद्यालय मराठी माध्यम हा केवळ एक चित्रपट नाही, तर तो आपल्या सामूहिक स्मृतींचे प्रतिबिंब आहे. आपल्यापैकी अनेकांनी मराठी माध्यमाच्या शाळांमध्ये शिक्षण घेतले असून, त्या शाळांनी आपली मूल्ये आणि व्यक्तिमत्त्व घडवले आहे. त्या परंपरेचा सन्मान करणाऱ्या या कथेत सहभागी होता आले, याचा मला मनापासून आनंद आहे. आता जगभरातील प्रेक्षकांना हा प्रवास मराठी ZEE5वर अनुभवता येणार आहे, याबद्दल मी विशेष उत्साहात आहे.”
अमेय वाघ म्हणाले, “या चित्रपटातील भावनिक सच्चेपणा आणि शांत व प्रभावीपणे मांडलेला संदेश मला खूप भावला. मराठी माध्यमाच्या शाळा या केवळ संस्था नसून, त्या मूल्य घडविणाऱ्या, आत्मविश्वासाची जोपासना आणि सांस्कृतिक ओळख मजबूत करणाऱ्या जागा आहेत. हा भावनिक संबंध चित्रपटात अतिशय सुंदररीत्या मांडण्यात आला आहे, तसेच आज या संस्थांना भेडसावणाऱ्या वास्तव अडचणींचाही वेध घेण्यात आला आहे. चित्रपटगृहांमध्ये प्रेक्षकांकडून मिळालेला प्रतिसाद अत्यंत उत्साहवर्धक होता. डिजिटल प्रीमियरमुळे हा चित्रपट आणखी अनेक कुटुंबांपर्यंत पोहोचेल आणि आपली भाषा जपणे, प्रगती स्वीकारणे आणि या दोहोंमध्ये समतोल साधणे याबाबत अर्थपूर्ण संवादाला चालना मिळेल, असा मला विश्वास आहे.”
मराठी चित्रपटसृष्टीत पदार्पण करताना प्राजक्ता कोळी आपल्या भावना व्यक्त करताना म्हणाल्या, “क्रांतिज्योती विद्यालय मराठी माध्यम या चित्रपटातून मराठी चित्रपटसृष्टीत पदार्पण करणे, हा माझ्यासाठी अत्यंत भावनिक आणि समाधान देणारा अनुभव ठरला आहे. मराठी ही माझ्या घरी बोलली जाणारी भाषा आहे. माझे बालपण, आठवणी आणि आपलेपणाची भावना या सगळ्याशी ही भाषा घट्ट जोडलेली आहे. मराठी कथाकथनात एक आपुलकी आणि प्रामाणिकपणा आहे, जो मनाला थेट भिडतो. इतका महत्त्वाचा आणि समकालीन आशय असलेल्या चित्रपटातून मी पहिले पाऊल टाकत आहे, याबद्दल मला विशेष कृतज्ञता वाटते. ओटीटीवरील प्रीमियरमुळे हा चित्रपट आता जगभरातील घराघरांपर्यंत पोहोचणार असून, स्वतःच्या आयुष्याची झलक ज्यात दिसते अशा प्रेक्षकांशी तो जोडला जाईल, याचा मला मनापासून आनंद आहे.”