सगळ्यांना माहित आहे की, मी फारच रहस्यमय आहे कंगना रणौतने रणवीरच्या त्या वक्तव्यावर दिले प्रत्युत्तर बॉलिवूड अभिनेत्री कंगना रणौत करण जोहरच्या ‘कॉफी विथ करण’ या शोच्या पाचव्या पर्वाच्या पहिल्या भागात बॉलीवूड बादशहा शाहरुख खान आणि चुलबुली अभिनेत्री आलिया भट्ट यांनी उपस्थिती लावली होती. यावेळी या दोघांनी त्यांची काही गुपितं सांगत बरीच मजामस्ती केल्याचे पाहायला मिळाले होते. ‘कॉफी विथ करण’च्या या कार्यक्रमात करणने आलियाला तुला कोणाचा पाठलाग करायला आवडेल असा प्रश्न केला होता. यावेळी आलियाने कंगना रणौत असे उत्तर दिले होते. हे उत्तर दिल्यानंतर कंगना नेहमी विमानतळावर दिसते, ती कुठे जाते ते मला जाणून घ्यायेचे आहे स्पष्टीकरणदेखील आलियाने दिले होते. रणवीर सिंगही या कार्यक्रमामध्ये कंगना आणि रणबीर यांच्यात अफेअर झालेले त्याला पाहायचे आहे असे म्हटले होते. आलियाच्या या प्रश्नाचे उत्तर कंगनाना लवकरच देईल अशी माहिती तिच्या प्रवक्ताने दिली होती. आता बॉलिवूडच्या क्वीनने म्हणजे कंगना रणौतने रणवीर सिंगच्या त्या वक्तव्यावर आपले मत मांडले आहे. कंगना म्हणाली की, ‘कॉफी विथ करण’च्या त्या भागात प्रश्नोत्तराच्या फेरीत रणवीर सिंग मस्ती करत होता. तो पुढे असेही म्हणाला होता की, असे झाले तर धमाल येईल. कंगनाला त्याच्या या मताचे अजिबात वाईट वाटले नाही. तिने याला उत्तरही तसेच दिले. ती म्हणाली की, ‘रणवीर सिंग माझा फार चांगला मित्र आहे. तो माझ्या प्रेमसंबंधांबद्दल फारच उत्सुक असतो. मला माहित आहे की त्याने मला याबाबत एकदा विचारले ही होते. पण जसे सगळ्यांना माहित आहे की, मी फारच रहस्यमय आहे त्यामुळे मी त्याला काहीही सांगितले नाही.’

त्यांनी हे दृश्य वगळून योग्यच केले. ‘डिअर जिंदगी’तील शाहरुखच्या दृश्यांवर लावली कात्री गौरी शिंदेने या चित्रपटाचे दिग्दर्शन केले आहे भारतीय चित्रपटसृष्टीमध्ये सध्याच्या घडीला आघाडीच्या अभिनेत्यांमध्ये शाहरुख खानचे नाव निर्विवादपणे घेतले जाते. बॉलिवूडमध्ये गेल्या २५ वर्षांपासून हा अभिनेता विविध भूमिकांच्या माध्यमातून प्रेक्षकांच्या मनावर राज्य करत आहे. म्हणूनच की काय शाहरुख खानला ‘किंग खान’ या नावानेही ओळखले जाते. आजवरच्या चित्रपट कारकीर्दीमध्ये शाहरुखने बरेच सुपरहिट चित्रपट बॉलिवूडला देऊ केले आहेत. ‘डिअर जिंदगी’ या चित्रपटासाठी अभिनेत्री आलिया भट्टसोबत काम करण्यासाठी गौरी शिंदे दिग्दर्शित या चित्रपटाला शाहरुखने होकार दिला त्यावेळी अनेकांच्याच भुवया उंचावल्या होत्या. या चित्रपटामध्ये अभिनेत्री आलिया भट्ट ही महत्त्वाच्या भूमिकेमध्ये असून किंग खान सहाय्यक अभिनेत्याच्या भूमिकेद्वारे प्रेक्षकांची मने जिंकत आहे. जहांगीर खान या मानसोपचार तज्ज्ञाच्या भूमिकेमध्ये शाहरुख खान दिसत आहे. याच भूमिकेबद्दल डिएनए या वृत्तपत्राशी बोलताना शाहरुख म्हणाला या चित्रपटाच्या क्लायमॅक्समध्येही मी असणं अपेक्षित होतं. पण, काही कारणास्तव या दृश्याला कात्री लावण्यात आली आणि हे दृश्य चित्रपटातून वगळलं गेलं. मला फक्त चित्रपटात अभिनय करायचा होता. मला बाकी काही नको हवे होते. तुम्ही याबद्दल गौरी आणि आलियालाही विचारु शकता, की माझ्या या चित्रपटातील भूमिकेबद्दल मी कधी काही विचारले होते का? या चित्रपटातील क्लायमॅक्स दृश्य वगळण्यात आले आहे. मला त्याबद्दल वाईट वाटले नाही. किंबहुना मला असे वाटते की त्यांनी हे दृश्य वगळून योग्य तेच केले. नाहीतर चित्रपट उगाचच लांबला असता. मी कोणत्याही चित्रपटाबद्दल गरज नसताना प्रश्न करत नाही. एक कलाकार म्हणून मी फक्त त्यात सहभागी होऊ इत्छितो’, असे शाहरुख त्या मुलाखतीदरम्यान म्हणाला. त्यामुळे चित्रपटातील त्या वगळलेल्या दृश्याबद्दल शाहरुख खानने कोणतीही खंत व्यक्त केली नाही.

सुपरस्टार रजनीकांतआणि धनुश यांनी जाऊन जयललिता यांच्या पार्थिवाचे दर्शन घेतले. तर प्रसिद्ध गायिका लता मंगेशकर यांनीही ट्विट करून जयललिता यांना श्रद्धांजली वाहीली आहे. आणखीही काही कलाकारांनी त्यांना श्रद्धांजली वाहीली आहे. बॉलिवूड कलाकार आणि नेत्यांनी वाहीली जयललिता यांना श्रध्दांजली मुंबई: तामिळनाडुच्या मुख्यमंत्री जयललिता यांच्या निधनाने देशभरात दु:ख व्यक्ते केले जात आहे. देशभराती अनेक मोठे नेते त्यांचे अंत्यदर्शन घेण्यासाठी चेन्नईला रवाना झाले आहेत. तर अनेक बॉलिवूड कलारांनीही त्यांना श्रध्दांजली वाहीली आहे. सुपरस्टार रजनीकांतआणि धनुश यांनी जाऊन जयललिता यांच्या पार्थिवाचे दर्शन घेतले. तर प्रसिद्ध गायिका लता मंगेशकर यांनीही ट्विट करून जयललिता यांना श्रद्धांजली वाहीली आहे. आणखीही काही कलाकारांनी त्यांना श्रद्धांजली वाहीली आहे. गायिका लता मंगेशकर यांनी जयललिता यांच्या निधनानंतर ट्विट केले. त्यांनी लिहिले की, जयललिया यांच्या निधनाची बातमीने मला खूप दु:ख झालं आहे. देव त्यांच्या आत्म्यात शांती देवो

मुंबई \ अभिनेत्री जिया खानला आत्महत्या करण्यास प्रवृत्त केल्याचा आरोप असलेला अभिनेता सूरज पांचोली याला, उच्च न्यायालयाने जियाच्या आईने केलेल्या याचिकेत मध्यस्थी करण्यास शुक्रवारी परवानगी दिली. जियाची आई राबिया खान आपल्यावर आरोप करत असल्याने, याचा खटल्यावर परिणाम होईल, अशी भीती सूरजने अर्जाद्वारे व्यक्त केली आहे. जियाने आत्महत्या केल्याचा दावा सीबीआयने केला आहे, तर राबिया खानने जियाने आत्महत्या केली नसून, तिची हत्या करण्यात आल्याचा दावा करत, उच्च न्यायालयात याचिका दाखल केली आहे. फेब्रुवारीमध्ये उच्च न्यायालयाने सूरज पांचोलीवरील खटल्यास स्थगिती दिली. खटल्यावरील स्थगिती हटवावी, यासाठी सूरज पांचोलीने गेल्याच महिन्यात मध्यस्थी अर्ज केला होता. तो अर्ज आज मंजूर करण्यात आला. राबिया खानने जियाच्या बालपणीच्या गोष्टी जाणूनबुजून लपवल्या आहेत, असा आरोप सूरज पांचोलीने अर्जाद्वारे केला. जिया लहानपणापासूनच अस्वस्थ होती. युवावस्थेत तिने आत्महत्या करण्याचा प्रयत्न केला होता, असे पांचोलीने अर्जात म्हटले आहे. न्या. रणजीत मोरे व न्या. शालिनी फणसाळकर- जोशी यांच्या खंडपीठाने या याचिकेवरील सुनावणी १४ जानेवारी रोजी ठेवली आहे. जियाला आत्महत्या करण्यास प्रवृत्त केल्याबद्दल, सूरजला १० जून २०१३ रोजी अटक करण्यात आली, तर २ जुलै रोजी त्याची जामिनावर सुटका करण्यात आली. स्थानिक पोलीस तपास नीट करत नसल्याने, या प्रकरणाचा तपास सीबीआयकडे वर्ग करावा, यासाठी राबियाने केलेल्या याचिकेवरील सुनावणीत उच्च न्यायालयाने, जुलै २०१४ मध्ये या प्रकरणाचा तपास सीबीआयकडे वर्ग केला.