छत्रपती संभाजीनगर, दि.३१: डॉ.बाबासाहेब आंबेडकर मराठवाडा विद्यापीठातील पदार्थविज्ञान विभागाच्यावतीने ‘इनोव्हेशन इन मटेरियल्स सायन्स फॉर सस्टेनेबल फ्युचर’ या विषयावर येत्या ३ ते ५ फेब्रुवारी दरम्यान आंतरराष्ट्रीय परिषद होणार आहे. विभागातील वरिष्ठ प्राध्यापक तथा विज्ञान व तंत्रज्ञान विद्याशाखेचे अधिष्ठाता डॉ.महेंद्र सिरसाठ यांच्या गौरवार्थ सदर परिषदेचे आयोजन करण्यात आले आहे.
मा.कुलगुरु डॉ.विजय फुलारी यांच्या मार्गदर्शनाखाली सदर परिषद होणार आहे. या संदर्भात व्यवस्थापन परिषदेच्या कक्षात शनिवारी (दि.३१) आयोजित पत्रकार परिषदेत ही माहिती देण्यात आली. यावेळी प्रकुलगुरु डॉ.वाल्मिक सरवदे, कुलसचिव डॉ.प्रशांत अमृतकर, अधिष्ठाता डॉ.एम.डी.शिरसाठ, विभाग प्रमुख डॉ.प्रवीणा पवार, संचालक डॉ.बी.एन.डोळे, डॉ.प्रभाकर उंदरे, डॉ.संजय शिंदे यांची उपस्थिती होती. या तीन दिवसीय आंतरराष्ट्रीय परिषदेचे उद्घाटन प्रा.डी.के.अस्वाल (सदस्य, एनडीएमए) यांच्या हस्ते मंगळवारी (दि.तीन) सकाळी दहा वाजता होईल. मा.कुलगुरु डॉ.विजय फुलारी अध्यक्षस्थानी राहतील. यावेळी मा.कुलगुरु डॉ.सुरेश गोसावी (पुणे), प्रा.री.ईची मुराकामी (जपान), प्रा.मेंग लीन टीसाई (तैवान) यांची प्रमुख उपस्थिती राहील. उद्घाटन सोहळयात प्रा.एम.डी.शिरसाठ यांचा गौरव करण्यात येणार आहे. नाटयगृहात हा कार्यक्रम होईल. तीन दिवसात पाच प्लॅनेरी सत्र व चार पॅटलल सत्र घेण्यात येतील. परिषदेच्या समारोप गुरुवारी (दि.पाच) दुपारी चार वाजता होईल. योवळी प्रकुलगुरु डॉ.अशोम महाजन (नांदेड), डॉ.फोरन सिंग (नवी दिल्ली) व प्रा.एन.एल.सिंग (नवी दिल्ली) यांच्यासह मान्यवरांची उपस्थिती राहणार आहे.
मा.कुलगुरु डॉ.विजय फुलारी यांच्या मार्गदर्शनाखाली सदर परिषद होणार असून संशोधकांकडून शोधनिबंध मागविण्यात आले आहेत. ३ ते ५ फेब्रुवारी या काळात ही आयसीएमएस-२०२६ परिषद विद्यापीठाच्या नाटयगृहात संपन्न होईल. या परिषदेत देश-विदेशातील ५० हून अधिक नामांकित पदार्थविज्ञान तज्ज्ञ सहभागी होणार आहेत. यामध्ये प्रा.मेंगलिन टीसाई (तैवाण), प्रा.अशोक मुलचंदानी (अमेरिका), प्रा.टिबोर हिमानिक (स्लोव्हाकिया), प्रा.डाँग हा किम, डॉ.डेनिसन सवॅरिराज (दक्षिण कोरिया), प्रा.मायकल पियासेकी (पोलांड), प्रा.एम.आय.सय्यद (जॉर्डन), प्रा.ए.के.प्रसन्न (तैवान विद्यापीठ), प्रा.री.इची मुराकामी (जपान), प्रा.अजयान विणु (ऑस्ट्रेलिया), प्रा.मोहम्मद चेहिमी (प्रâाँस), प्रा.याटीग नी (चीन), प्रा.इलियास स्टॅरोस (ग्रीस), प्रा.जाँग रेन हुआंग (तैवाण), प्रा.एम.एस.बडावी (इजिप्त) व डॉ.गजानन बोडरवे (दक्षिण कोरिया) यांचा समावेश आहे. तसेच कुलगुरु डॉ.सुरेश गोसावी (पुणे), डॉ.डी.के.असवाल (बार्क) यांच्या देशातील विषयतज्ज्ञ विविध सत्रात सहभागी होणार आहेत. परिषदेच्या आयोजनासाठी अध्यक्ष डॉ.प्रवीणा पवार, तांत्रिक समिती अध्यक्ष डॉ.एम.डी.सिरसाठ, समन्वयक डॉ.बी.एन.डोळे व सचिव डॉ.प्रभाकर उंदरे आदीसह संयोजन समिती सदस्य प्रयत्नशील आहेत. २५ उपविषय असून तीन दिवस मंथन होणार आहे. देश-विदेशातील संशोधकांनी परिषदेसाठी शोध निबंध पाठवावेत, असे आवाहनही संयोजन समितीने केले आहे.
डॉ.सिरसाठ यांच्या गौरवार्थ आयोजन
पदार्थविज्ञान विभागातील वरिष्ठ प्राध्यापक तथा विज्ञान व तंत्रज्ञान विद्याशाखेचे अधिष्ठाता डॉ.महेंद्र सिरसाठ हे साडेतीन दशकांच्या सेवेनंतर येत्या मे महिन्यात सेवानिवृत्त होत आहेत. पदार्थविज्ञान व इलेक्ट्रॉनिक्स विभागप्रमुख, संचालक डीडीयुकेके, अकॅडमिक संचालक स्टाफ कॉलेज, कुलसचिव आदी पदांवर त्यांनी कार्य केले आहे. तसेच ३२० शोधनिबंध परिषदेत प्रकाशित झाले आहे. डॉ. शिरसाठ यांनी आपल्या कार्यकाळात ११ कोटी ८७ लाखांचे प्रकल्प निधी विविध राष्ट्रीय संस्थांकडून आणला. तसेच इलेक्ट्रॉनिक्स विभाग सुरु केला. सोबत ३१ विद्यार्थ्यांनी त्यांच्या मार्गदर्शनाखाली पीएच.डी प्राप्त केली आहे. त्यांच्या कारिकिर्दीचा गौरव म्हणून पाच दिवस आंतरराष्ट्रीय कार्यशाळा, परिषदेत मंथन होणार आहे. विभागाच्यावतीने या सदर परिषद होत आहे.
