छत्रपती संभाजीनगर, दि.३१ : डॉ.बाबासाहेब आंबेडकर मराठवाडा विद्यापीठातील लोकप्रशासन विभागातील वरिष्ठ प्राध्यापक डॉ.सतीश दांडगे सेवानिवृत्त झाले. यानिमित्त मा.कुलगुरु डॉ.विजय फुलारी यांच्या अध्यक्षतेखाली निरोप समारंभाचे आयोजन करण्यात आले.
महात्मा फुले सभागृहात शनिवारी (दि.३१) हा कार्यक्रम झाला. यावेळी प्रकुलगुरु डॉ.वाल्मिक सरवदे, कुलसचिव डॉ.प्रशांत अमृतकर, लोकप्रशासन विभागप्रमुख डॉ श्याम शिरसाठ यांची प्रमुख उपस्थिती होती. कुलगुरु डॉ.विजय फुलारी यावेळी म्हणाले, सतीश दांडगे यांनी लोकप्रशासन विभागास दिशा दिली. तसेच चीफ रेक्टर म्हणून विद्यार्थी वसतिगृहांना शिस्त लावण्यातही त्यांचे मोलाचे योगदान आहे. डॉ.दांडगे म्हणाले गेल्या ३० वर्षात लोकप्रशासन विभागप्रमुख, अधिसभा सदस्य, मॉडेल कॉलेजचे प्राचार्य, परीक्षा संचालक, पतसंस्था व प्राध्यापक संघटनेचे अध्यक्ष आदी पदांवर प्रामाणिकपणे आणि निष्ठेने काम केले. यावेळी प्रकुलगुरु डॉ.वाल्मिक सरवदे व कुलसचिव डॉ.प्रशांत अमृतकर यांनी डॉ दांडगे यांच्या योगदानाबद्दल गौरवोद्गार काढले. डॉ.संजय शिंदे यांनी सूत्रसंचालन तर संजय लांब यांनी आभार मानले. कार्यक्रमास अधिष्ठाता, प्राध्यापक, अधिकारी, कर्मचारी, विद्यार्थी उपस्थित होते.
सोबत फोटो
कॅप्शन : मा.कुलगुरु डॉ.विजय फुलारी यांच्या हस्ते डॉ.सतीश दांडगे यांचा गौरव करण्यात आला. यावेळी प्रकुलगुरु डॉ.वाल्मिक सरवदे, कुलसचिव डॉ.प्रशांत अमृतकर
डॉ.सतीश दांडगे यांना निरोप
Leave a Reply
- Trending
- Comments
- Latest
ब्रेकिंग न्यूज, महत्वाच्या बातम्या, चालू घडामोडी, खेळ, व्यवसाय, करमणूक, राजकारण, अध्यात्म आणि बरेच काही.. मराठी दैनिक सामपत्र च्या वेबसाईटवर पाहायला मिळेल.आमच्या बातम्या निपक्ष असतात. तसेच महत्वाच्या बातम्या पाहण्यासाठी आमच्या मराठी दैनिक सामपत्र ला युट्युब वर देखील सबस्क्राईब करा आणि आमच्यासोबत अपडेट राहा..!