शहापूर/ प्रतिनिधी :– शहापूर तालुक्यातील आटगाव या ठिकाणी असलेल्या प्रदीप भानुशाली यांच्या ऐतिहासिक घराला काल दुपारी भीषण आग लागली.ही आग कशामुळे लागली हे मात्र समजू शकले नाही.गेल्या ३५ वर्षांपूर्वी गाजलेल्या ‘ इंतजार ‘ या हिंदी मालिकेचे चित्रीकरण या घरात झाले असल्याने हे घर संपूर्ण ठाणे जिल्ह्यात प्रसिद्ध होते.सुमारे ३५ वर्षांपूर्वी दूरदर्शनवर प्रदर्शित झालेल्या लोकप्रिय ‘ इंतजार ‘ मालिकेचे चित्रीकरण याच घरात सलग सहा महिने सुरू होते.त्या कालावधी मध्ये अनेक प्रसिद्ध हिंदी कलाकार या घरात आणि आटगाव परिसरात वास्तव्यास होते.यामुळे प्रदीप भानुशाली यांचे हे घर प्रसिद्ध होते.या आगीमध्ये मोठ्या प्रमाणात आर्थिक नुकसान झाले आहे.मात्र या आगीत सुदैवाने जीवित हानी झाली नाही. आटगाव परिसरात हे एक जुने सागवानी लाकडी घर म्हणूनही प्रसिद्ध होते.
ब्रेकिंग न्यूज, महत्वाच्या बातम्या, चालू घडामोडी, खेळ, व्यवसाय, करमणूक, राजकारण, अध्यात्म आणि बरेच काही.. मराठी दैनिक सामपत्र च्या वेबसाईटवर पाहायला मिळेल.आमच्या बातम्या निपक्ष असतात. तसेच महत्वाच्या बातम्या पाहण्यासाठी आमच्या मराठी दैनिक सामपत्र ला युट्युब वर देखील सबस्क्राईब करा आणि आमच्यासोबत अपडेट राहा..!