*डॉ.बाबासाहेब आंबेडकर मराठवाडा विद्यापीठ, छत्रपती संभाजीनगर*

छत्रपती संभाजीनगर,दि.८: भारताच्या निती आयोगाचे उपाध्यक्ष सुमन बेरी हे यांनी डॉ. बाबासाहेब आंबेडकर मराठवाडा विद्यापीठाच्या इतिहास संग्रहालयास सदिच्छा भेट दिली.
कुलसचीव प्रा. प्रशांत अमृतकर यांच्याकडे त्यांनी इतिहास संग्रहालयास भेट देण्याची इच्छा व्यक्त केल्यानुसार शनिवारी सायंकाळी (दि.सात) श्री. बेरी विद्यापीठ परिसरात दाखल झाले. यावेळी कुलगुरू प्रा. विजय फुलारी यांनी त्यांचे स्वागत केले. याप्रसंगी विद्यापीठातील शैक्षणिक, संशोधन व विकासात्मक उपक्रमांबाबत श्री. बेरी यांनी कुलगुरू व कुलसचीव यांच्याशी सविस्तर चर्चा केली. विद्यापीठाच्या वतीने राबविण्यात येत असलेल्या उपक्रमांची माहिती कुलगुरू यांनी दिली .
त्यानंतर त्यांनी विद्यापीठाच्या इतिहास संग्रहालयाची सुमारे एक तास पाहणी करून संग्रहित ऐतिहासिक साहित्य, दस्तऐवज व वारशाचे कौतुक केले. विद्यापीठाने जतन केलेल्या शैक्षणिक व सांस्कृतिक परंपरेबद्दल त्यांनी समाधान व्यक्त केले.यावेळी कुलसचिव प्रा. प्रशांत अमृतकर, इतिहास विभागप्रमुख प्रा. बोराडे, संग्रहालय तज्ज्ञ डॉ. कुमार भवर, मच्छींद्र चौधरी तसेच पर्यटक गाईड डॉ. शिवाजी गायकवाड हे उपस्थित होते.