नेवरगाव येथे भव्य महाशिवरात्र महोत्सव व ग्रंथराज ज्ञानेश्वरी पारायण सोहळा

गंगापूर तालुक्यातील श्री क्षेत्र संकटेश्वर देवस्थान, जुने नेवरगाव येथे दरवर्षीप्रमाणे यंदाही हजारो भाविकांच्या उपस्थितीत भव्य महाशिवरात्र महोत्सव व ग्रंथराज ज्ञानेश्वरी पारायण सोहळ्याचे आयोजन करण्यात आले आहे. या धार्मिक महोत्सवाची सुरुवात दि. ९ फेब्रुवारी २०२६ पासून होत असून तो दि. १६ फेब्रुवारी २०२६ पर्यंत चालणार आहे.
या कालावधीत दररोज सकाळी काकड आरती, विष्णुसहस्रनाम, ज्ञानेश्वरी पारायण आदी धार्मिक कार्यक्रम संपन्न होणार आहेत.
तसेच दि. ९ फेब्रुवारी (सोमवार) ते दि. १५ फेब्रुवारी दरम्यान सायंकाळी ६ ते ९ या वेळेत महाराष्ट्रातील प्रसिद्ध किर्तनकार व कथाकार ह.भ.प. साध्वी सोनाली दीदी करपे (चकलंबेकर) यांच्या सुमधुर वाणीतून भव्य देवी भागवत कथा होणार आहे.
दि. ११ फेब्रुवारी (मंगळवार) रोजी गुरुवर्य ह.भ.प. भास्करगिरीजी महाराज (श्री क्षेत्र देवगड) यांची सदिच्छा भेट होणार असून त्यांच्या हस्ते महाअभिषेक संपन्न होईल.
दि. १५ फेब्रुवारी (रविवार) रोजी दुपारी १२ ते २ या वेळेत महाशिवरात्री विशेष किर्तन ह.भ.प. साध्वी सोनाली दीदी करपे यांचे होणार आहे. याच दिवशी दिवसभर भाविकांसाठी फराळ वाटप करण्यात येणार आहे. सायंकाळी ६ ते ७ या वेळेत गोदावरी नदीच्या तीरावर महाआरती, शंखनादाच्या गजरात पार पडणार आहे. तसेच रात्री १०.३० ते १२ या वेळेत शिवमहात्म्य कथा होणार आहे.
महोत्सवाच्या सहा दिवसांत दररोज सकाळी नाश्ता, दुपारी व सायंकाळी महाप्रसादाचे आयोजन करण्यात आले आहे.
दि. १६ फेब्रुवारी (गुरुवार) रोजी सकाळी १० ते १२ या वेळेत प्रसिद्ध समाज प्रबोधनकार ह.भ.प. निवृत्ती महाराज देशमुख (इंदोरीकर) यांचे काल्याचे कीर्तन होणार आहे.
तरी जिल्ह्यासह तालुका व पंचक्रोशीतील भाविकांनी या महाशिवरात्र महोत्सवाचा लाभ घ्यावा, असे आवाहन श्री क्षेत्र संकटेश्वर मंदिर संस्थान कमिटीच्या वतीने करण्यात आले आहे.