सोयगाव तालुक्यात भाजपचे वर्चस्व

सोयगाव,दि.०९(प्रतिनिधी) सोयगाव तालुक्यात जिल्हा परिषद, पंचायत समितीच्या तीन गट व सहा गणांसाठी सोमवारी प्रत्यक्ष मतमोजणी करून निकाल घोषित झाले यामध्ये भाजपने सिल्लोड मतदार संघातील फरदापुर आणि आमखेडा या दोन गटात वर्चस्व मिळवून शिंदे सेनेला धोबी पछाड केली असून फरदापुर, सावळदबारा,आमखेडा या तीन गणात भाजपने वर्चस्व सिद्ध करून आमदार अब्दुल सत्तार यांना धक्का दिला आहे
जिल्हा परिषद, पंचायत समितीच्या निवडणुकीचे निकाल सोमवारी (दि.०९)निवडणूक निर्णय अधिकारी रुपेश सिनगारे,सहायक निवडणूक निर्णय अधिकारी मनीषा मेने यांनी घोषित केले यामध्ये फरदापुर गटासह, फरदापुर गण आणि सावळदबारा गणातील तिन्ही उमेदवार विजयी झाले तर आमखेडा गटासह आमखेडा गणात भाजपने बाजी मारली आहे फरदापुर गटात भाजपच्या माहीन ईदरिस मुलतानी यांनी १३,८२७ सर्वाधिक मते मिळवून शिंदेंसेनेच्या प्रभावती दारासिंग चव्हाण (मते ९०९६) पराभूत केले आहे आमखेडा गटात भाजपच्या पुष्पा प्रकाश काळे यांनी १०,८७१ मते मिळवून शिंदेंसेनेच्या मोनाली अनिल पवार(मते ७६०६) पराभूत केला आहे गोंदेगाव गटात उद्धवसेनेच्या सुनीताबाई चंद्रशेखर चव्हाण यांनी ६,८२६ मते मिळवून शिंदेंसेनेच्या पूजा भरत वाघ(मिळालेली मते( ६,१८१) पराभूत झाल्या आहेत फरदापुर गणातही भाजपचे राहुल अंकुश राठोड यांनी ६,३७३ मते मिळवून शिंदेंसेनेचे मुक्तार मुन्शी(मते-४,१०५) पराभव केला आहे सावळदबारा गणातही भाजप ने वर्चस्व सिद्ध केले असून भाजपचे उत्तम महारु चव्हाण यांनी ६,५७३ मते मिळवून शिंदेंसेनेचे राधेश्याम जाधव(४,३३१) यांचा पराभव झाला आहे या गटात व दोन्ही गणात शिंदेंसेनेच्या सफया झाला आहे आमखेडा गणात भाजपच्या जयश्री गजानन पवार यांनी ५,२६९ मते मिळवून शिंदेंसेनेच्या मंगलाबाई दामोदर निकम्(मते-३३६३) यांचा पराभव केला आहे दरम्यान निंबायती गणात शिंदेंसेनेच्या सविताबाई सोपान गव्हांडे यांनी ५,११० मते घेत भाजपचे बद्री राठोड(मते-३६२२) पराभूत करून या गणात शिंदेंसेनेची वर्चस्व मिळविले आहे हा गण पंचायत समितीच्या सभापती पदासाठी राखीव आहे गोंदेगाव गणातही शिंदेंसेनेच्या गयाबाई घोडे यांनी ३,७९८ मते घेत उद्धव सेनेच्या सीताबाई गातवे (मते-२८३८) पराभव केला आहे. बनोटी गणात झालेल्या तिरंगी लढतीत उद्धव सेनेच्या वैभवी सागर पाटील यांनी ३,०७८ मते घेत भाजपच्या कल्पना सुनील जाधव (मते-२,६३७) पराभूत केले आहे या गणात शिंदेंसेनेच्या काजल भूषण पाटील (मते-२५०३) तिसऱ्या क्रमांकावर राहिल्या आहेत दरम्यान भाजपने दोन गट आणि तीन गण उद्धवसेनेने गोंदेगाव गट आणि बनोटी गण शिंदेंसेनेने गोंदेगाव आणि निंबायती हे दोन गण ताब्यात मिळविले आहे दरम्यान बनोटी गण सुद्धा पंचायत समितीच्या सभापती पदासाठी राखीव आहे त्यामुळे या गणात शिंदेंसेनेची व भाजपाची संधी हुकली असून निंबायती गणात शिंदेंसेनेच्या सविताबाई सोपान गव्हांडे या विजयी झालेल्या आहेत परंतु शिंदेंसेनेकडे दोन च संख्या बळ आहे त्यामुळे या गणात विजय मिळवून ही शिंदेंसेनेची सभापती पदाची दुहेरी संधी हुकली आहे.
चौकट;-गोंदेगाव गट कायम राखण्यासाठी उद्धवसेनेला यश
तालुक्यातील गोंदेगाव गट उध्दवसेनेने कायम राखण्यात यश मिळविले आहे या ठिकाणी उद्धवसेनेचे माजी जिल्हा प्रमुख राजू राठोड यांनी ऐन निवडणुकीच्या तोंडावर राजीनामा देत उद्ध्वसेना सोडून शिंदेंसेनेत प्रवेश केला व आमखेडा गटात त्यांची मुलगी मोनालीताई अनिल पवार यांना उमेदवारी दिली परंतु उध्दव सेनेने नेतृत्व नसताना तालुका प्रमुख दिलीप मचे यांच्या नेतृत्वत गोंदेगाव गट व बनोटी गटात विजय मिळविला आहे….
चौकट;–आमदार अब्दुल सत्तार यांच्या मतदार संघात असलेल्या फरदापुर गट फरदापुर गण आणि सावळदबारा गण यामध्ये भाजप ने एकहाती सत्ता मिळवून वर्चस्व सिध्द केले आहे तर दुसऱ्या आमखेडा गट आणि आमखेडा गण या ठिकाणी भाजपने विजय संपादन करून भाजप ने आमदार अब्दुल सत्तार यांना धक्का दिला आहे..