सिल्लोड(प्रतिनिधी)सिल्लोड तालुक्यात झालेल्या जिल्हा परिषद पंचायत समिती निवडणुकीत ९ पैकी ६ जिल्हा परिषद गटात आमदार अब्दुल सत्तार यांच्या नेतृत्वाखाली शिवसेना शिंदे गटाने वर्चस्व मिळवले तर पंचायत समितीच्या १८ पैकी १० जागा जिंकत भाजपने बाजी मारली.भाजपने जि प च्या ३ जागा जिंकल्या.
सिल्लोड तालुक्यातील जिल्हा परिषदेच्या नऊ व पंचायत समितीच्या १८ जागांसाठी शनिवारी मतदान झाले. सोमवारी सकाळी दहा वाजेपासून शासकीय तंत्रनिकेतन परिसरात मतमोजणी प्रारंभ झाला. जिल्हा परिषद च्या निवडणुकीत आमदार अब्दुल सत्तार यांच्या नेतृत्वाखालील शिवसेना शिंदे गटाने ९ पैकी ६ जागा जिंकत वर्चस्व मिळवले. तर पंचायत समितीच्या १८ जागांपैकी चुरशीच्या लढतीत १० जागा जिंकत भाजपने पंचायत समितीवर ताबा मिळवला शिवसेना शिंदे गटाला ८ जागा मिळाल्या.
——————————————-
मतमोजणी प्रक्रिया निवडणूक निर्णय अधिकारी डॉ. निलेश अपार यांच्या मार्गदर्शनाखाली, सहाय्यक निवडणूक निर्णय अधिकारी संजय देवराये तसेच अतिरिक्त सहाय्यक निवडणूक निर्णय अधिकारी कारभारी दिवेकर व रत्नाकर पगार यांच्या नियंत्रणाखाली व
उपविभागीय पोलीस अधिकारी डॉ. दिनेश कोल्हे, पोलीस निरीक्षक शेषराव उदार यांच्या नेतृत्वाखालील चोख बंदोबस्तात मतमोजणी प्रक्रिया पार पडली.
———————————————-
आमदार अब्दुल सत्तार यांचे चिरंजीव अब्दुल आमेर यांनी अंभई जिल्हा परिषद गटातून ३४३५ मतांनी विजय मिळवला. घाटनांद्रा जि प गटात भाजपाने प्रतिष्ठेची जागा गमावली. शिवसेना शिंदे गटाच्या उमेदवार व जिल्हा मध्यवर्ती बँकेचे अध्यक्ष अर्जुन गाडे यांच्या पत्नी आशाताई गाढे यांनी माजी सभापती अशोक गरुड यांच्या कन्या श्रुती गरुड यांचा १८४५ मतांनी पराभव केला. शिवन्याची जागा देखील शिवसेनेने जिंकली या ठिकाणी शिवसेना शिंदे गटाच्या निकिता राजेंद्र काळे यांनी बेबीताई अरुण काळे यांचा पराभव केला. केऱ्हाळा गटात भाजपच्या अनिता ज्ञानेश्वर मोठे यांनी १३१ मतांनी विजय मिळवला. अनिता मोठे व त्यांचे पती ज्ञानेश्वर मोठे या दोघांनी मिळून ही जागा चौथ्यांदा जिंकली आहे. पहिल्यांदाच निवडणूक रिंगणात उतरलेल्या डॉ. विजया जाधव यांचा निसटता पराभव झाला. अंधारी जि. प.ची जागा मंगल तायडे यांनी दुसऱ्यांदा जिंकली. एकदा त्यांचे पती केशवराव तायडे यांनीही विजय मिळवला आहे. माजी मंत्री माणिक दादा पालोदकर यांचे चिरंजीव व सेवा निवृत्त विभागीय सहनिबंधक देविदास पालोदकर यांनी डोंगरगाव जि प गटातून विजय मिळवला. भराडी जि प ची जागा भाजपने जिंकली या ठिकाणी मराठा आरक्षण आंदोलनात सक्रिय असलेले कार्यकर्ते राधाकृष्ण काकडे यांनी विजय मिळवला.
निजामखा पठाण (डोंगरगाव) वृषाली मिरकर (भराडी) शेख सलीम (शिवना) रजनीताई नागरे (अंभई ) हे पंचायत समिती सदस्य दुसऱ्यांदा निवडून आले आहेत.
————————————————
सिल्लोड तालुक्यातील
विजयी उमेदवार व त्यांना पडलेली मते पुढील प्रमाणे अजिंठा जिल्हा परिषद विजयी आयेशा बेगम नासीर हुसेन (शिवसेना) १२९४८ पराभुत अलकाबाई मेघराज चौडींये ( भाजप) ७१६६,अजिंठा पंचायत समिती विजयी रजिया बेगम अब्दुल समद ( शिवसेना)८३७०, पराभूत साफीयाबी शाकिर कुरेशी (भाजपा)१८२४, हळदा पंचायत समिती विजयी अनुराधा गणेश गवळे( भाजपा)५०५६, पराभुत कासाबाई पांडुरंग गवळे (शिवसेना)४८८०
शिवना जिल्हा परिषद विजयी निकिता राजेंद्र काळे( शिवसेना)१२०२५, पराभुत बेबी अरुण काळे (भाजपा)१०८२०, शिवना पंचायत समिती विजयी सलिम भिकन शेख( शिवसेना)५०४५, पराभुत राहुल सखाराम धनवई( भाजपा)३८८६,
उंडणगांव जिल्हा परिषद विजयी सचिण तेजराव वाघ ( भाजपा) १२२५४ पराभुत कल्पनाबाई शेषराव सोनवने (शिवसेना) ६९३७, लक्ष्मण गणपत दांडगे ( उभाठा)१३०७, उंडणगांव पंचायत समिती विजयी अनिता सुरेश बनकर( भाजप) ५९८३, पराभुत पंकज अशोक जायस्वाल ( शिवसेना)३२१४, हट्टी पंचायत समिती विजयी गजानन सांडू जाधव ( भाजप)५४३१ पराभुत अंबादास विठोबा सपकाळ( शिवसेना)४३२९
अंभई जिल्हा परिषद विजयी अब्दुल आमेर अब्दुल सत्तार ( शिवसेना)१२७४६,पराभुत त्र्यंबक मारोती गव्हाणे( (भाजपा) ९३११ ,अंभई पंचायत समिती विजयी रजनीताई विश्वनाथ आप्पा नगरे( शिवसेना) ७४५९, पराभुत संगिताबाई गजानन झारेवाल( भाजपा)३७४१,केळगांव पंचायत समिती विजयी तुळसा अंकुश कोठाळे(भाजपा) ६१२२ पराभुत अर्चना अरविंद शिंदे( शिवसेना)४६४५
घाटनांद्रा जिल्हा परिषद विजयी आशा अर्जुन गाढे ( शिवसेना)९४७६, पराभुत श्रृती अशोक गरुड ( भाजपा)७६३१, निशा रविंद्र बिलवाल ४७२१, घाटनांद्रा पंचायत समिती विजयी सोफियाबी इब्राहिम शेख ४५००( शिवसेना) पराभुत सुलताना शफी शेख( उभाठा) २७०० रुकैय्या वसीम शेख ( भाजपा)२५००
आमठाना पंचायत समिती विजयी रघुनाथ पुंडलीक मोरे( शिवसेना)४७९१ पराभुत काकासाहेब धनराज मोरे ( भाजपा)४३६०, देवीदास शेतफडू आमटे (उबाठा)१७१९
डोंगरगांव जिल्हा परिषद विजयी देवीदास माणिकराव पालोदकर ( शिवसेना)१०९५५ ,पराभुत मच्छिंद्र श्रीरंग पालोदकर( भाजपा) ८७२९, पालोद पंचायत समिती विजयी तेजस्वीनी संजय इंगळे- जगताप ४८७३ ( भाजपा) पराभुत मधुकर सखाराम गवळी ( शिवसेना) ४१८४ , विष्णु नामदेव दांडगे( वंचीत) ८०२,डोंगरगांव पंचायत समिती विजयी निजामखाँ गणीखा पठाण( शिवसेना ५५०७ पराभुत संतोष तेजराव बंगाळे( भाजपा ) ३८३५,
भराडी जिल्हा परिषद विजयी राधाकृष्ण माधवराव काकडे( भाजपा) १२९९२ पराभुत गणेश विठ्ठल पाटील( शिवसेना)९४६४, भराडी पंचायत समिती गण विजयी नारायण शिवाजी खोमने( भाजपा)५९२४, पराभुत लवराज सुरेश महाजन ( शिवसेना)५८५२ , धानोरा पंचायत समिती विजयी वृषाली सुनिल मिरकर( भाजपा ६३२८ पराभुत बापुराव तेजराव काकडे( शिवसेना) ४०८९
अंधारी जिल्हा परिषद विजयी मंगल केशवराव तायडे ( शिवसेना)१११२६, महानंदाबाई ज्ञानेश्वर तायडे ( भाजपा) ९५०५ लता दादाराव वानखेडे(उभाठा)२२३८ अंधारी पंचायत समिती विजयी जया सतिष ताठे( शिवसेना)६७०६, पराभुत लक्ष्मीबाई नारायण बडक( भाजपा)५३२९ बोरगांव सारवाणी पंचायत समिती विजयी सुरेखा अंबादास शिंदे( शिवसेना) ५६४२ पराभुत प्रिया जगदिश कवल( भाजपा)४८३९
केऱ्हाळा जिल्हा परिषद विजयी अनिता ज्ञानेश्वर मोटे ( भाजपा)११८४४ डॉ. विजया विठ्ठल जाधव( (शिवसेना)११७१३ अनिता ज्ञानेश्वर मोटे ( भाजपा) कल्पना ठगन भागवत( राष्ट्रवादी अजित पवार) २०४१ केऱ्हाळा पंचायत समिती विजयी सुमित्रा सुदाम बनसोड( भाजपा) ५०३०, वंदनाबाई तेजराव पवार( शिवसेना) ४८९९, कमल विकास पांढरे (राष्ट्रवादी अजित पवार)१७५३, निल्लोड पंचायत समिती विजयी भगवान शेनफड आहेर (भाजपा),७०३३
