कुस्ती, क्रिकेट मैदानही लवकरच

 मा.कुलगुरु डॉ.विजय फुलारी यांची ग्वाही
 क्रिकेटमध्ये यशस्वी कर्मचा-यांचे कौतुक
छत्रपती संभाजीनगर, दि.११ : ’अ‍ॅथलेटिक्स’साठीचा अत्याधुनिक ’सिथेंटिक ट्रॅक’चे काम पुर्णत्वाकडे आले आहे. यासोबतच कुस्तीचा अत्याधुनिक इनडोअर हॉल व क्रिकेटचे मैदान ही लवकरच तयार करण्यात येईल, अशी ग्वाही मा.कुलगुरु डॉ.विजय फुलारी यांनी दिली.
डॉ.बाबासाहेब आंबेडकर मराठवाडा विद्यापीठाच्या कर्मचारी संघाने राजस्तरीय कुलगुरू क्रिकेट स्पर्धेत कांस्यपदक पटकाविले. या संघाच्या सर्व सदस्यांनी मा.कुलगुरु डॉ.विजय फुलारी यांनी भेट घेऊन चषक सुपुर्द केला. यावेळी मा.कुलगुरु डॉ.विजय फुलारी यांनी सर्व खेळाडूचे अभिनंदन करुन क्रीडा विभागासाठी भरीव आर्थिक तरतुद आगामी अर्थसंकल्पात करण्यात येणार आहे, असेही ते म्हणाले. यावेळी प्रकुलगुरु डॉ.वाल्मिक सरवदे, कर्मचारी संघटनेचे अध्यक्ष डॉ.वैâलास पाथ्रीकर, क्रीडा संचालक डॉ.सचिन देशमुख, माजी व्यवस्थापन परिषद सदस्य प्राचार्य डॉ.फुलचंद्र सलामपुरे, प्रभारी वित्त व लेखाधिकारी डॉ.संजय कवडे, कार्यकारी अभियंता रवींद्र काळे, डॉ.संजय शिंदे, गणेश खरात आदींची उपस्थिती होती. कुलसचिव डॉ.प्रशांत अमृतकर यांनीही खेळाडूंचे अभिनंदन केले. महाराष्ट्र राज्य आंतरविद्यापीठ कुलगुरू क्रिकेट टी ट्वेंटी (ऊ-२० ) चषक २०२६ स्पर्धेत डॉ.बाबासाहेब आंबेडकर मराठवाडा विद्यापीठ कर्मचारी संघाने तृतीय पारितोषिक जिंकले.
पुण्यश्लोक अहिल्यादेवी होळकर सोलापूर विद्यापीठ यांच्या वतीने आयोजित करण्यात आलेल्या महाराष्ट्र राज्य आंतरविद्यापीठ कुलगुरू क्रिकेट ऊ-२० चषक २०२६ स्पर्धेत डॉ. बाबासाहेब आंबेडकर मराठवाडा विद्यापीठ संघाने उत्कृष्ट कामगिरी करत तृतीय पारितोषिक पटकावले. या स्पर्धेत विद्यापीठाच्या खेळाडूंनी उत्कृष्ट सांघिक खेळ, शिस्तबद्ध कामगिरी व क्रीडावृत्तीचे दर्शन घडवून हे यश संपादन केले. या यशामागे विद्यापीठ प्रशासनाचे मोलाचे मार्गदर्शन व सातत्यपूर्ण प्रोत्साहन लाभले.
 संघ पुढीलप्रमाणे
जितेंद्र पाटील या संघाचे कर्णधार तर रवींद्र खताळ यांनी उपकर्णधार म्हणून काम पाहिले. या संघात नितीन गायकवाड जय देशमाने, रवींद्र पारधी, बलभीम मरकड, कार्तिक चव्हाण, अन्वर खान, तन्वीर अहेमद, कृष्णा बहिरम, रोहित गायकवाड, रोहित सलामपुरे, सचिन गायकवाड, संघ व्यवस्थापक मनोज शेटे, सुनील कणीसे, लक्ष्मीकांत माने यांचा सहभाग होता. क्रीडा विभागातील सचिन देशमुख, मोहन वाहिलवार, डॉ.रामेश्वर विधाते, गणेश कड यांनी स्पर्धेच्या यशस्वीतेसाठी प्रयत्न केले.