प्राणीशास्त्र विभागाची राष्ट्रीय परिषद

 ’सोसायटी ऑफ लाईफ सायन्सेस’ची १५ वी वार्षिक परिषद
 १७० शोधनिबंध सादर होणार
छत्रपती संभाजीनगर, दि.१२ : ’सोसायटी ऑफ लाईफ सायन्सेस’ची १५ वी वार्षिक परिषद डॉ.बाबासाहेब आंबेडकर मराठवाडा विद्यापीठात १३ व १४ फेब्रुवारी रोजी होणार आहे. या निमित्त ’मॉर्डन ट्रेंडस इन लाईफ सायन्सेस’ या विषयावर राष्ट्रीय परिषद होणार आहे, अशी माहिती विभागप्रमुख डॉ.सुनिता बोर्डे यांनी दिली.
प्राणीशास्त्र विभागाच्या सभागृहात होणा-या या परिषदेत १७० शोधनिबंध सादर होणार असून २५० संशोधक, शिक्षक सहभागी होणार आहेत. मा.कुलगुरु डॉ.विजय फुलारी यांच्या मार्गदर्शनाखाली परिषदेची जय्यत तयारी सुरु आहे. परिषदेचे उद्घाटन प्रा.ए.बिजूकुमार (कुलगुरु, युनिर्व्हसिटी ऑफ फिशरीज अ‍ॅजण्ड ओशियन सायन्सेस) यांच्या हस्ते शुक्रवारी दि.१३ सकाळी १० वाजता करण्यात येईल. यावेळी प्रा.निरजकुमार (नाशिक) यांची प्रमुख उपस्थिती राहील. बजाज इन्क्युबूशनचे संचालक डॉ.प्रवीण वक्ते अध्यक्षस्थानी राहतील. तर शनिवारी दि१४ दुपारी ४ वाजता होणा-या समारोपास प्रा.शिवेश प्रताप सिंग, रिसर्च अ‍ॅतण्ड डेव्हलपमेंट सेलचे संचालक डॉ.भगवान साखळे यांची प्रमुख उपस्थिती राहील. डॉ.सुनिता बोर्डे या परिषदेचे संयोजक असून डॉ.गुलाब खेडकर हे सचिव तर डॉ.रमेश चौंडेकर कोषध्यक्ष आहेत. या परिषदेत दोन दिवसातील विविध सत्रात डॉ.बिजु कुमार (केरळ), डॉ.मंजुलाल छप्रा (आंध्रप्रदेश) डॉ.एम.माधवी (तेलंगणा), डॉ.संदीप कुमार (नागालँड), डॉ.पी.एम.डोंगरे (मुंबई), डॉ.रवींद्र वाधन पिल्लेसतिल (तामिळनाडू), डॉ.उज्ज्वला देशमुख (अमरावती) व डॉ.अपर्णा कलावते (पुणे) यांची उपस्थिती राहणार आहे. परिषदेच्या यशस्वीतेसाठी डॉ.एन.डी.निंबाळकर, प्रा.एस.बी.गाडेकर, प्रा.एस.व्ही.पवार, प्रा.टी.एस.शेडोलकर, प्रा.ई.डी.मुळे आदी प्रयत्नशील आहेत.