पैठण प्रतिनिधी :- पैठण छत्रपती संभाजीनगर या मुख्य रस्त्यावर संत ज्ञानेश्वर उद्यान गेट दुर्गा गार्डन समोर सिमेंट रस्त्यावर मोठया प्रमाणात पाणी साचल्याने याठिकाणी शेवाळ तसेच पाणगवत उगल्याने वाहनाच्या अपघातात वाढ झाली आहे.या गंभीर प्रकारावर नगर परिषद प्रशासनाने लक्ष द्यावे अशी मागणी करण्यात येत आहे.
पैठणसाठी दळणवळणाचा हा मुख्य रस्ता असून याठिकाणी अनेक महिन्यांपासून शहराला पाणी पुरवठा करणाऱ्या जलवाहिनीचे तसेच चारीचे पाणी साचत आहे. परिणामी रस्तावर शेवाळ व पाणगवत झाल्याने याठिकाणी आपोआप गाड्या घसरून तीर्थक्षेत्र पैठणला येणारे भाविक तसेच संत ज्ञानेश्वर उद्यान, नाथसागर धरणावर येणारे पर्यटक व स्थानिक नागरिकांना अपघाताला सामोरे जावे लागत आहे.
