नगरसेवक विजयेंद्र शिंदे यांचा आज नागरी सत्कार, समाजभूषण पुरस्कार प्रदान..

सोयगाव दि.१३(प्रतिनिधी) राजनंदिनी बहुउद्देशीय संस्थेतर्फे घोसला (ता. सोयगाव) येथील मूळ रहिवासी आणि मुंबईतील वॉर्ड क्रमांक १६१ मधील नवनिर्वाचित नगरसेवक विजयेंद्र (विजू) ओंकार शिंदे यांचा नागरी सत्कार व ‘मराठा समाजभूषण पुरस्कार २०२६’ प्रदान सोहळा शनिवारी (दि.१४) सायंकाळी ७ वाजता आयोजित करण्यात आला आहे. हा कार्यक्रम बाबा रेस्टॉरंटसमोर, लिंक रोड, स्वातंत्र्यवीर सावरकरनगरजवळ, साकीनाका, मुंबई येथे होणार आहे.
विजयेंद्र शिंदे हे बाळासाहेब ठाकरे यांचे निष्ठावंत कार्यकर्ते आणि कार्यसम्राट म्हणून परिचित आहेत. त्यांनी शिवसेना तसेच महापालिकेतील विविध महत्त्वाच्या पदांची जबाबदारी यशस्वीरीत्या सांभाळली आहे. नुकत्याच झालेल्या महापालिका निवडणुकीत त्यांनी प्रचंड मताधिक्याने विजय मिळवला आहे.
सामाजिक व राजकीय क्षेत्रातील उल्लेखनीय कार्याची दखल घेत त्यांना ‘मराठा समाजभूषण पुरस्कार २०२६’ जाहीर करण्यात आला असून या कार्यक्रमास मोठ्या संख्येने उपस्थित राहावे, असे आवाहन संस्थेच्या संस्थापक अध्यक्षा संदिपा वाघ व सचिव अमोल पाटील यांनी केले आहे. तसेच या सोहळ्यास उपस्थित राहण्याचे आवाहन विजू दादा शिंदे मित्रपरिवाराने केले आहे.
फोटो ओळ :नगरसेवक विजयेंद्र शिंदे