छत्रपती संभाजीनगर (प्रतिनिधी) मराठवाडा शिक्षण प्रसारक मंडळ संचालित, देवगिरी महाविद्यालयात दिनांक २३,२४ व २५ फेब्रुवारी २०२६ रोजी सायंकाळी ५:०० वाजता फुले-शाहू-आंबेडकर व्याख्यानमालेचे आयोजन करण्यात आले आहे. या व्याख्यानमालेचे हे ३५ वे वर्ष असून यावर्षी सोमवार दिनांक २३ फेब्रुवारी २०२६ रोजी मराठी अभ्यास केंद्र, मुंबईचे अध्यक्ष मा.डॉ. दीपक पवार हे या व्याख्यानमालेचे उद्घाटन करून ‘महाराष्ट्र धर्म : वर्तमान आणि भविष्य’ या विषयावर पहिले पुष्प गुंफणार आहेत. या व्याख्यानाच्या अध्यक्षस्थानी मराठवाडा शिक्षण प्रसारक मंडळाचे केंद्रीय कार्यकारिणी सदस्य मा. श्री. त्रिंबकराव पाथ्रीकर हे असतील. मंगळवार दिनांक २४ फेब्रुवारी २०२६ रोजी ज्येष्ठ पत्रकार व प्रख्यात राजकीय विश्लेषक मा. श्री. हेमंत देसाई (मुंबई ) हे महराष्ट्राचे दिवंगत उपमुख्यमंत्री यांच्या अनुषंगाने ‘अजितदादा पवार : कार्य आणि कर्तृत्व’ या विषयावर दुसरे पुष्प गुंफणार आहेत. अध्यक्षस्थानी मराठवाडा शिक्षण प्रसारक मंडळाचे केंद्रीय कार्यकारिणी सदस्य मा. श्री. विवेकानंद भोसले हे असतील. बुधवार दिनांक २४ फेब्रुवारी २०२६ रोजी प्रख्यात घटनाततज्ज्ञ मा.प्रा. उल्हास बापट (पुणे) हे ‘संसदीय लोकशाही समोरील आव्हाने’ या विषयावर तिसरे पुष्प गुंफणार आहेत. अध्यक्षस्थानी मराठवाडा शिक्षण प्रसारक मंडळाचे सदस्य व ज्येष्ठ विधिज्ञ मा.अॅड. सुखदेव शेळके हे भूषविणार आहेत. मराठवाडा शिक्षण प्रसारक मंडळाचे सरचिटणीस मा.आमदार सतीश चव्हाण यांचे मार्गदर्शन व पाठपुराव्याने ही व्याख्यानमाला यशस्वीपणे सुरु आहे.
या व्याख्यानमालेतून समाज प्रबोधनासाठी महाविद्यालयाने हेतूपूर्वक पुरोगामी विचाराचा ज्ञानयज्ञ गेल्या ३4 वर्षापासून सातत्याने या विचारपीठावरून तेवत ठेवला आहे. आतापर्यंत पद्मश्री डॉ.अप्पासाहेब पवार, प्राचार्य डॉ.ना.य.डोळे, प्राचार्य शिवाजीराव भोसले, प्राचार्य राम शेवाळकर, कॉ.गोविंद पानसरे, डॉ.बाबा आढाव, मा.खा.जनार्दन वाघमारे , प्रा.फक्रुद्दीन बेन्नूर, श्री. विश्वास पाटील, श्रीमती मेधा पाटकर, खा. सीताराम येचुरी, डॉ. जयसिंगराव पवार, श्री.शिवाजी सावंत, खा. कुमार केतकर, डॉ. भा.ल.भोळे, डॉ.यु.म.पठाण, अॅड.प्रकाश आंबेडकर, प्रा.पुष्पा भावे, न्या.बी.एन.देशमुख, डॉ. अरुण निगवेकर, मा.रावसाहेब कसबे, डॉ.संदानंद मोरे, डॉ.सुहास पळशीकर, डॉ.यशवंत मनोहर, डॉ.प्रकाश आमटे, डॉ.अभय बंग, अॅड.उज्ज्वल निकम, श्री. उल्हास पवार, उत्तम कांबळे, श्री. तुषार गांधी, श्री. निखील वागळे, श्री.सुरेश द्वादशीवार, श्रीमती वृंदा करात, श्री.मधुकर भावे, डॉ.श्रीमंत कोकाटे, गिरीश कुबेर, राजू परुळेकर अशा अनेक विचारवंत, लेखक, विधीज्ञ, पत्रकार,अर्थततज्ज्ञ, सामाजिक कार्यकर्ते, राजकीय नेते यांनी आपले अभ्यासपूर्ण विचार मांडले आहेत.
देवगिरी महाविद्यालयाच्या प्रांगणात दिनांक २३,२४, व २५ फेब्रुवारी २०२६ रोजी सायंकाळी ५:०० वाजता ही व्याख्याने संपन्न होणार असून शहरातील साहित्यिक, विचारवंत, पत्रकार, प्राध्यापक, शिक्षक, विद्यार्थी तसेच सामाजिक व राजकीय चळवळीतील सर्व नागरिकांनी या व्याख्यानमालेचा लाभ घ्यावा. असे आवाहन देवगिरी महाविद्यालयाचे प्राचार्य डॉ. रवि पाटील, संयोजक व उपप्राचार्य डॉ. गणेश मोहिते, उपप्राचार्य डॉ. अपर्णा तावरे, उपप्राचार्य प्रा.अरुण काटे ,उपप्राचार्य प्रा.ज्ञानेश्वर हिवरे , उपप्राचार्य प्रा.विजय नलावडे व संयोजन समिती सदस्य डॉ.सुलक्षणा जाधव, डॉ. ज्ञानेश्वर जिगे, डॉ.कैलाश ठोंबरे, डॉ.परसराम बाचेवाड, डॉ.बाळासाहेब निर्मल, डॉ.प्रवीण सोनुने यांनी केले आहे.
