उन्हाळ्याच्या शिखर हंगामापूर्वीच, एलजी इलेक्ट्रॉनिक्स इंडिया लिमिटेड , सर्वाधिक विश्वासार्ह ब्रँड (इलेक्ट्रॉनिक्स क्षेत्रातील)*, यांनी 2026 च्या नव्या ब्युरो ऑफ एनर्जी एफिशियन्सी (बीईई) स्टार रेटिंग नियमांनुसार पूर्णतः सुसंगत एअर कंडिशनरची संपूर्ण श्रेणी सादर करणाऱ्या पहिल्या ब्रँड्सपैकी एक असल्याची घोषणा केली आहे. एलजीईआयएल च्या या सक्रिय उपक्रमामुळे भारतीय ग्राहकांना आज उपलब्ध असलेल्या सर्वात प्रगत आणि ऊर्जा कार्यक्षम कूलिंग तंत्रज्ञानाचा त्वरित लाभ मिळणार आहे.
नवीन बीईई नियम ऊर्जा कार्यक्षमतेच्या निकषांमध्ये मोठी झेप दर्शवतात, ज्यामुळे संपूर्ण उद्योगासाठी उच्च मानक निश्चित होत असून भारताला जागतिक ऊर्जा कार्यक्षमता मानकांशी सुसंगत केले जात आहे. एलजीईआयएल ने आपल्या उत्पादन पोर्टफोलिओचे आधीच अद्ययावतीकरण करून शाश्वतता आणि जबाबदार उत्पादन विकासाबाबतची आपली बांधिलकी अधिक मजबूत केली आहे
2026 श्रेणीतील प्रमुख वैशिष्ट्ये:
अधिक ऊर्जा बचत: नवीन नियम घरगुती वीज वापरात लक्षणीय घट करण्यासाठी तयार करण्यात आले आहेत. उद्योगातील अंदाजानुसार, 2026 नियमांनुसार नवीन 5-स्टार एसीमध्ये अपग्रेड केल्यास वापर आणि वीज दरांनुसार 10 वर्षांत सुमारे ₹19,000 इतकी बचत होऊ शकते.
नवीन रेटिंग समजून घेणे: अधिक कठोर 2026 चौकटीखाली कार्यक्षमतेची मर्यादा वाढवण्यात आली आहे; उदाहरणार्थ, पूर्वी 5-स्टार रेटिंग असलेले मॉडेल आता 4-स्टार म्हणून वर्गीकृत होऊ शकते. हे पुनर्वर्गीकरण कार्यक्षमतेत घट दर्शवत नसून, उच्च कार्यक्षमतेचे आणि कमी वीज वापरणारे तंत्रज्ञान स्वीकारण्यासाठी प्रोत्साहन देते.
त्वरित उपलब्धता: एलजीईआयएल ची भविष्यासाठी तयार असलेली श्रेणी जानेवारीच्या सुरुवातीपासूनच बाजारात उपलब्ध आहे, ज्यामुळे 2026 बीईई सुसंगत घरगुती एअर कंडिशनर देणाऱ्या पहिल्या ब्रँड्समध्ये एलजीईआयएल चा समावेश होतो. यामुळे उन्हाळ्यासाठी लवकर खरेदी करणारे ग्राहक जुन्या तंत्रज्ञानाची खरेदी करत नाहीत याची खात्री होते.
प्रमुख फीचर्स: यावर्षी ग्राहकांना सक्षम बनवण्यासाठी प्रीकूल आणि एनर्जी मॅनेजर+ सारख्या फीचर्सवर भर देण्यात आला आहे. प्रीकूल हे नाविन्यपूर्ण फीचर तुम्ही घरात पाऊल ठेवताच घर थंड आणि आरामदायी ठेवण्यासाठी डिझाइन करण्यात आले आहे. प्रीकूल फीचर जिओ-फेन्सिंग तंत्रज्ञानाचा वापर करून वापरकर्त्याचे स्थान ओळखते आणि थिंकक्यु अॅपद्वारे वापरकर्त्याने सेट केलेल्या ऑटोमेशननुसार, ठरवलेल्या अंतराच्या मर्यादेत प्रवेश करताच एअर कंडिशनर कार्यान्वित करते. एनर्जी मॅनेजर+ तुमच्या एसीच्या वापराचा इतिहास विश्लेषित करून वास्तववादी वापर वेळ आणि वीज खर्चाबाबत शिफारसी देते. वापरकर्ते या शिफारसीनुसार कालावधीसाठी बजेट लक्ष्य निश्चित करू शकतात.
संजय चितकारा, को-चीफ सेल्स अँड मार्केटिंग ऑफिसर, एलजी इलेक्ट्रॉनिक्स इंडिया लिमिटेड यांनी लॉन्चवेळी सांगितले, “भारत अधिक कठोर ऊर्जा कार्यक्षमता नियमांकडे वाटचाल करत असताना, एलजी इलेक्ट्रॉनिक्स इंडिया लिमिटेड या बदलाला लवकर अनुपालन आणि भविष्यासाठी तयार असलेल्या उत्पादन नवकल्पनांद्वारे पाठिंबा देण्यासाठी कटिबद्ध आहे. आमचा पोर्टफोलिओ आधीच नव्या बीईई मानकांशी सुसंगत असल्याने, एलजीईआयएल नवीन हंगामात विश्वासार्ह आणि ऊर्जा कार्यक्षम एअर कंडिशनिंग सोल्यूशन्स देण्यासाठी पूर्णपणे सज्ज आहे, ज्यामुळे ग्राहकांना उत्कृष्ट कूलिंगचा आनंद घेताना पैसे वाचवता येतील.”
