प्रजासत्ताक दिन 2026 च्या औचित्याने नांदेड येथील विभागीय रेल्वे व्यवस्थापक (डीआरएम) कार्यालयात आंतर-विभागीय क्रीडा स्पर्धांचे यशस्वी आयोजन करण्यात आले. या स्पर्धांमध्ये विभागातील अधिकारी व कर्मचारी यांनी उत्स्फूर्त सहभाग नोंदवला. एकूण 13 विभागांनी या क्रीडा स्पर्धांमध्ये सहभाग घेतला असून, यामुळे रेल्वे कर्मचाऱ्यांमधील संघभावना व आपुलकीचे दर्शन घडले.
या क्रीडा महोत्सवांतर्गत क्रिकेट, व्हॉलीबॉल, दोरीखेच, बॅडमिंटन, कॅरम व बुद्धिबळ या प्रमुख स्पर्धांचे आयोजन करण्यात आले.
स्पर्धांचे निकाल पुढीलप्रमाणे आहेत :
· क्रिकेट :
विजेता – ट्रॅक्शन रोलिंग स्टॉक ऑपरेशन्स (TRSO) विभाग
उपविजेता – अभियांत्रिकी विभाग
· व्हॉलीबॉल :
विजेता – यांत्रिकी विभाग
उपविजेता – ऑपरेटिंग विभाग
· दोरीखेच :
विजेता – रेल्वे संरक्षण दल (RPF)
उपविजेता – कार्मिक विभाग
तृतीय क्रमांक – TRSO विभाग
· बुद्धिबळ (पुरुष) :
प्रथम क्रमांक – वाणिज्य विभाग
द्वितीय क्रमांक – TRSO विभाग
· बुद्धिबळ (महिला) :
प्रथम क्रमांक – सिग्नल व दूरसंचार (S&T) विभाग
द्वितीय क्रमांक – कार्मिक विभाग
· कॅरम (महिला) – एकेरी :
प्रथम क्रमांक – कार्मिक विभाग
द्वितीय क्रमांक – ऑपरेटिंग विभाग
. कॅरम (महिला) – दुहेरी :
प्रथम क्रमांक – सिग्नल व दूरसंचार (S&T) विभाग
द्वितीय क्रमांक – ऑपरेटिंग विभाग
या प्रसंगी विभागीय रेल्वे व्यवस्थापक श्री प्रदीप कामले यांनी उपस्थित राहून स्पर्धांचा आनंद घेतला तसेच सहभागी खेळाडूंना प्रोत्साहन देत त्यांच्या क्रीडावृत्तीचे कौतुक केले. यावेळी विविध विभागांतील वरिष्ठ अधिकारी व कर्मचारी मोठ्या संख्येने उपस्थित होते व त्यांनी स्पर्धांच्या यशस्वी आयोजनासाठी सहकार्य केले.
या क्रीडा स्पर्धांमुळे शारीरिक तंदुरुस्तीबरोबरच विविध विभागांतील कर्मचाऱ्यांमध्ये समन्वय, संघभावना व परस्पर समज वाढीस लागली असून, प्रजासत्ताक दिनाच्या सोहळ्याला विशेष महत्त्व प्राप्त झाले.
