गुरु रविदास साहित्य संमेलनाच्या पूर्वतयारीची आज नांदेड येथे बैठक.

नांदेड (प्रतिनिधी) : आठवे अखिल भारतीय गुरु रविदास साहित्य संमेलन पूर्वतयारीची बैठक शनिवार दिनांक ३१ जानेवारी २०२६ रोजी दुपारी ३ वाजता राधाई अर्बन बँकेच्या शेजारील सभागृह, सतपाल प्लाजा, शेतकरी पुतळ्याजवळ, तरोडा नाका नांदेड येथे आयोजित करण्यात आली आहे.
येत्या रविवार दिनांक १५ फेब्रुवारी २०२६ रोजी आठवे अखिल भारतीय गुरु रविदास साहित्य संमेलन शिवपार्वती मंगल कार्यालय, भावसार चौक नांदेड येथे आयोजित करण्यात आले असून हे साहित्य संमेलन यशस्वी करण्यासाठी विविध समित्यांची निवड शनिवारच्या बैठकीत करण्यात येणार आहे.
वीर कक्कय्या, गुरु रविदास आणि संत सेवालाल महाराज यांच्या तारखेनुसार होणाऱ्या जयंतीनिमित्त हे परिवर्तनवादी विचारांचे साहित्य संमेलन नांदेड येथे होणार आहे. याच्या पूर्वतयारीसाठी ही व्यापक बैठक आयोजित करण्यात आली आहे.
शनिवार दिनांक २६ जानेवारी २०२६ रोजी दुपारी तीन वाजता राधाई अर्बन बँकेचे सभागृहात आयोजित या बैठकीस वेळेवर उपस्थित राहण्याचे आवाहन मुख्य संयोजक इंजि. चंद्रप्रकाश देगलूरकर, निमंत्रक उत्तम गायकवाड, जिल्हाध्यक्ष गंगाधर गंगासागरे, जिल्हा संघटक संतोष सुर्यवंशी, जिल्हा उपाध्यक्ष जी. पी. गंगासागरे, महानगर अध्यक्ष श्रीनिवास कांबळे, लक्ष्मण वाघमारे केले आहे.