टोयोटा किर्लोस्कर मोटर भारतीय सशस्त्र दलांसोबत ‘भारत रणभूमी दर्शन’साठी अधिकृत मोबिलिटी भागीदार म्हणून सहभागी

03 फेब्रुवारी 2026 : टोयोटा किर्लोस्कर मोटर (टीकेएम) ने भारताच्या लष्करी परंपरा, शौर्य आणि एकतेच्या चिरंतन भावनेला अभिवादन करणाऱ्या ‘भारत रणभूमी दर्शन’ या राष्ट्रीय मोहिमेसाठी भारतीय सशस्त्र दलांसोबत अधिकृत मोबिलिटी भागीदार म्हणून भागीदारी केली आहे. या सहकार्याद्वारे टीकेएम ने राष्ट्राप्रती आपली दृढ बांधिलकी पुन्हा अधोरेखित करत सशस्त्र दलांच्या धैर्य, जिद्द आणि बलिदानाला सलाम केला आहे. या मोहिमेचा औपचारिक शुभारंभ तेलंगणाचे माननीय राज्यपाल श्री जिष्णु देव वर्मा यांच्या हस्ते भारतीय सैन्य, भारतीय नौदल, सीमा सुरक्षा दल (बीएसएफ), नागरी प्रशासन आणि टोयोटा किर्लोस्कर मोटरच्या वरिष्ठ अधिकाऱ्यांच्या उपस्थितीत करण्यात आला.
‘भारत रणभूमी दर्शन’ ही मोहीम रेजिमेंट ऑफ आर्टिलरी यांच्या नेतृत्वाखाली भारतीय नौदल आणि सीमा सुरक्षा दलाच्या (बीएसएफ) सहकार्याने आयोजित करण्यात आली आहे. 3 फेब्रुवारी ते 25 फेब्रुवारी 2026 या कालावधीत आयोजित या मोहिमेत सेना, नौदल आणि बीएसएफ मधील निवडक 32 सदस्यांचा संघ सुमारे 3400 किमीचा प्रवास करणार असून द्वारका, ध्रांगध्रा, भुज, कोटेश्वर, धोरडो, धोलावीरा, नडाबेट, मुनाबाव, मुरार, जैसलमेर, बिकानेर, श्री गंगानगर, अंबाला आणि दिल्ली अशा 14 शहरांचा समावेश असेल.
अधिकृत मोबिलिटी भागीदार म्हणून टीकेएम या मोहिमेसाठी 15 हिलक्स वाहने उपलब्ध करून देणार आहे. टिकाऊपणा आणि विश्वासार्हतेसाठी जागतिक स्तरावर ओळखली जाणारी ही वाहने वाळवंटी प्रदेश, ऑफ-रोड मार्ग आणि कठीण भूप्रदेशांसारख्या वास्तविक परिस्थितींमध्ये त्यांच्या प्रगत 4×4 ऑफ-रोड ड्राइव्ह क्षमतेसह उत्कृष्ट कामगिरी दर्शवतील. तसेच, प्रवासादरम्यान सेवा सुविधा, सुटे भाग आणि ऑन-ग्राउंड तांत्रिक सहाय्यासह सर्वसमावेशक सेवा समर्थन देखील टीकेएम कडून प्रदान करण्यात येईल.
टोयोटा किर्लोस्कर मोटरचे कंट्री हेड आणि कार्यकारी उपाध्यक्ष – कॉर्पोरेट अफेयर्स अँड गव्हर्नन्स,श्री विक्रम गुलाटी म्हणाले, “उद्देशपूर्ण मोहिमा सक्षम करण्यामध्ये मोबिलिटीची महत्त्वाची भूमिका असते, असा आमचा विश्वास आहे. भारत रणभूमी दर्शनसाठी भारतीय सशस्त्र दलांसोबत भागीदारी करणे हा आमच्यासाठी अभिमानाचा क्षण आहे, कारण ही मोहीम भारताच्या लष्करी परंपरेचा आणि राष्ट्रीय एकतेच्या भावनेचा सन्मान करते. हिलक्स वाहनांची रचना विश्वासार्हता, ताकद आणि कठीण परिस्थितींमध्ये उत्कृष्ट कामगिरीसाठी करण्यात आली आहे, आणि विविध भूप्रदेशांमधून होणारी ही मोहीम त्यांच्या क्षमतांची खरी कसोटी आहे.”