रामेश्वर सहकारी साखर कारखान्याच्या कोट्यावधी रुपयांच्या घोटाळ्याची चौकशी होणे गरजेचे!

भोकरदन प्रतिनिधी :- भोकरदन तालुक्यातील रामेश्वर सहकारी साखर कारखानाची, आवश्यक माहिती देण्याबाबत कारखाना प्रशासनाला दिले पत्र!
आवश्यक माहिती न दिल्यास चौकशीसाठी वरिष्ठाकडे धाव घेणार!
सविस्तर असे की,माझ्यासह अनेक शेतकरी रामेश्वर सहकारी साखर कारखान्याचे संस्थापक सदस्य आहेत. मोठ्या उम्मेदीने शेतकऱ्यांनी एकत्र येऊन हा कारखाना उभा केला. त्यात माझ्यासह अनेक शेतकऱ्यांनी सहकारी सोसायटीचे कर्ज घेऊन कारखान्याचे शेअर्स घेतले व सभासद झाले. त्यानंतर त्या सहकारी सोसायटीचे कर्ज संबंधित शेतकऱ्यांना भरावेच लागले. सुरुवातीला सर्व कारभार व्यवस्थित होता पत्रव्यवहार ही केला जात होता. सर्वसाधारण सभेच्या सूचना आणि निवडणुक कार्यक्रमा बाबत माहिती प्राप्त होत होती. परंतु काही लोकांना मतदार यादीतून वगळण्यात आले. तर पत्र व्यवहार ही बंद झाला. सर्वसाधारण सभेची सूचना सुद्धा दिली जात नाही. कारखान्याच्या कामकाजा बाबत कोणत्याही कार्यवाही मध्ये सर्वसाधारण सभा असो की निवडणूक कार्यक्रम असो भाग घेण्यापासून हेतुपुरस्पर वंचीत ठेवण्यात येत आहे.त्यामुळे कारखाना नफ्यात का तोट्यात हे समजायला मार्ग नाही. तर कारखाना तोट्यात दाखवून केंद्र शासनाकडून राज्य शासनाकडून लाटलेल्या अनुदानाची काय झाले याचा हिशोब दिला जात नाही. काही लोकांचा कारखान्याच्या जमिनीवर आणि मालमत्तेवर डोळा आहे.परंतु त्यांचे हे मनसुबे भविष्यात हानुन पाडले जातील.कामकाजा बाबत अनेक संस्थापक सदस्यांची त्याबाबत नाराजी आहे. त्यामुळे लवकरच सामुहिक सभा घेऊन पुढील दिशा ठरवली जाणार आहे. प्रायव्हेट प्रॉपर्टी प्रमाणे कारखान्याचा कारभार चालू असून आर्थिक घोटाळ्याची चौकशी होणे आवश्यक आहे. कारखाना प्रशासनासोबत पत्रव्यवहार करण्यात आला असून आवश्यक माहिती मागविण्यात आलेली आहे प्रशासन सकारात्मक प्रतिसाद देईल अशी आशा असून सर्वांचे ऐकून घेतले जाईल ही अपेक्षा आहे. परंतु सकारात्मक प्रतिसाद न मिळाल्यास संघर्षाशिवाय पर्याय राहणार नाही.संघर्षासाठी आता शेतकरी तय्यार आहेत.