दलित चळवळीतील फायरब्रँड नेते वैभवराज दळवी यांचा काकासाहेब टेके यांना जाहीर पाठिंबा

छत्रपती संभाजीनगर | प्रतिनिधी
56-बीडकीन जिल्हा परिषद गटातील शिंदे सेनेचे अधिकृत उमेदवार काकासाहेब बाबासाहेब टेके यांनी निवडणूक प्रचारात ठोस आघाडी घेतली असून, त्यांच्या प्रचाराला दिवसेंदिवस व्यापक पाठिंबा मिळत आहे. दलित चळवळीतील फायरब्रँड नेते वैभवराज दळवी यांनी आपल्या समर्थकांसह बैठक घेऊन काकासाहेब टेके यांना जाहीर पाठिंबा दिल्याने या गटातील राजकीय समीकरणे अधिकच टेके यांच्या बाजूने झुकली आहेत.
काकासाहेब टेके यांचा मनमिळावू स्वभाव, जनतेच्या सेवेत सातत्याने असलेली उपस्थिती आणि प्रत्येकाच्या सुख-दुःखात सहभागी होण्याची भूमिका यामुळे मतदारांमध्ये त्यांना विशेष पसंती मिळत आहे. गट एससीसाठी राखीव नसतानाही सामाजिक सलोखा आणि सर्वसमावेशक विकासाची भूमिका घेणाऱ्या टेके यांना विविध समाजघटकांचा विश्वास लाभत असल्याचे चित्र आहे.
यावेळी वैभवराज दळवी म्हणाले की, टेके यांना मतदारसंघातील समस्यांची अचूक जाण असून, ग्राऊंड लेव्हलवर त्यांनी केलेले काम सर्वश्रुत आहे. ते नेहमीच सर्व जाती-धर्मातील लोकांसोबत उभे राहिले आहेत. तसेच खासदार संदीपान भुमरे आणि पैठणचे युवा आमदार विलासबापू भुमरे यांचे ते विश्वासू सहकारी असल्याने, गटाच्या सर्वांगीण विकासाचा ठाम संकल्प त्यांनी केला आहे.
दळवी यांनी मतदारांना आवाहन केले की, 7 फेब्रुवारी रोजी ‘धनुष्यबाण’ निशाणीवर मोठ्या संख्येने मतदान करून काकासाहेब टेके यांना विजयी करा. येत्या 9 फेब्रुवारी रोजी शिवसैनिक विजयाचा गुलाल उधळतील, असा विश्वासही त्यांनी व्यक्त केला.
या जाहीर पाठिंब्यामुळे 56-बीडकीन जि.प. गटातील निवडणूक लढत अधिक रंगतदार झाली असून, टेके यांचा विजय निश्चित असल्याचा विश्वास त्यांच्या समर्थकांमध्ये व्यक्त केला जात आहे.