संगणकीय अध्ययन व डेटा विश्लेषण विषयावर देवगिरी महाविद्यालयात तीन दिवसीय कौशल्यवृद्धी कार्यक्रम

छत्रपती संभाजीनगर / प्रतिनिधी : देवगिरी महाविद्यालयाच्या संगणकशास्त्र, माहिती तंत्रज्ञान व अ‍ॅनिमेशन विभाग तसेच Plexus Pvt. Ltd. यांच्या संयुक्त विद्यमाने PM-USHA योजनेअंतर्गत “संगणकीय अध्ययन व डेटा विश्लेषण” या विषयावर विद्यार्थ्यांसाठी तीन दिवसीय कौशल्यवृद्धी कार्यक्रमाचे यशस्वी आयोजन करण्यात आले.
या कार्यक्रमाचे उद्घाटन प्रोफेसर सचिन देशमुख संगणक शास्त्र विभाग डॉ. बाबासाहेब आंबेडकर मराठवाडा विद्यापीठ यांच्या हस्ते पार पडले. कार्यक्रमाच्या अध्यक्षस्थानी देवगिरी महाविद्यालयाचे प्राचार्य डॉ. रवी पाटील होते. कार्यक्रमास उपप्राचार्य डॉ. अपर्णा तावरे, डॉ. गणेश मोहिते, डॉ. विष्णू पाटील, डॉ. सुनील टेकाळे, डॉ. रितेश मगरे, श्री. कुलदीप पाटील, श्री. चैतन्य डहाळे, स्नेहल कुलथे Nits pvt .Ltd., नाशिक यांची उपस्थिती होती.
उद्घाटनप्रसंगी प्रोफेसर सचिन देशमुख यांनी संगणकीय विचारसरणी व डेटा विश्लेषणाचे सध्याच्या शिक्षण व उद्योग क्षेत्रातील महत्त्व विशद केले. अध्यक्षीय भाषणात डॉ. रवि पाटील यांनी बदलत्या तंत्रज्ञानाच्या पार्श्वभूमीवर कौशल्यविकास आवश्यक असल्याचे नमूद केले.
या तीन दिवसीय कार्यक्रमात संगणकीय अध्ययन, डेटा विश्लेषण व आधुनिक तंत्रज्ञानावर आधारित करिअर इन डेटा सायन्स -मार्गदर्शक श्री.कुलदीप पाटील डेटा अनॅलिस्ट, मशीन लर्निंग- मार्गदर्शक श्री. चैतन्य डहाळे डेटा अनॅलिस्ट, जेनेरेटिव्ह ए आय- मार्गदर्शक श्री. पुष्पराज सिंग राठोड डेटा अनॅलिस्ट, डेटा विसुलीझशन टूल्स-मार्गदर्शक श्रीमती. मोहिनी साली डेटा अनॅलिस्ट,रिअल लाइफ केंस स्टडीस इन डेटा सायन्स- मार्गदर्शक डॉ. अजय नागणे असोसिएट प्रोफेसर JSPM कॉलेज अशा विविध सत्रांचे आयोजन करण्यात आले. विद्यार्थ्यांनी या कार्यक्रमाला उत्स्फूर्त प्रतिसाद देत सक्रिय सहभाग नोंदवला.
कार्यक्रमाचे संयोजन डॉ. रितेश मगरे , विभागप्रमुख संगणकशास्त्र, माहिती तंत्रज्ञान व अ‍ॅनिमेशन यांनी केले. कार्यक्रमाचे सूत्र संचालन व आभार प्रा. नंदिनी वाटवे व प्रा. शरली सिंग यांनी केले. कार्यक्रमाच्या यशस्वी आयोजनासाठी विभागातील प्राध्यापक व कर्मचारी प्रा. दीपाली महाजन, प्रा. अंजुम शेख, प्रा.गिरीश दुधगावकर, प्रा. भूषण कुलकर्णी, प्रा.गणेश कृष्णपक्षी, प्रा.अमित शिंदे, प्रा. सागर त्रिभुवन, श्री. कृष्णा म्हस्के यांचे सहकार्य लाभले.
फोटो कॅप्शन
देवगिरी महाविद्यालयात आयोजित ‘Computational Studies and Data Analysis’ कार्यक्रमाच्या उद्घाटनप्रसंगी भाषण करताना प्रो. सचिन देशमुख; व्यासपीठावर प्राचार्य डॉ. रवी पाटील व उपप्राचार्य डॉ. गणेश मोहिते, डॉ. अपर्णा तावरे तसेच इतर मान्यवर उपस्थित