छत्रपती संभाजीनगर, दि.१८ : ’इंडियन सोसायटी ऑफ लाईफ सायन्सेस’ यांच्यावतीने प्राचार्य डॉ.रामराव जनार्द्धन चव्हाण यांना ’लाईफ टाईम अॅचिव्हमेंट अॅवार्ड’ने सन्मानित करण्यात आले.
’सोसायटी ऑफ लाईफ सायन्सेस’ची १५ वी वार्षिक परिषद डॉ.बाबासाहेब आंबेडकर मराठवाडा विद्यापीठात नुकतीच संपन्न झाली. समारोपप्रसंगी प्रा.शिवेश प्रताप सिंग, रिसर्च अॅण्ड डेव्हलपमेंट सेलचे संचालक डॉ.भगवान साखळे यांच्यासह विभागप्रमुख डॉ.सुनिता बोर्डे, सचिव डॉ.गुलाब खेडकर. कोषध्यक्ष डॉ.रमेश चौंडेकर यांची प्रमुख उपस्थिती होती. या परिषदेत प्राणीशास्त्र विभागातील प्राध्यापक तसेच गंगापूर मुक्तानंद महाविद्यालयाचे प्राचार्य डॉ.रामराव जनार्धनराव चव्हाण व वनस्पतीशास्त्र विभागातील माजी प्राध्यापक डॉ.प्रकाश पापडीवाल यांना हा अॅवार्ड देण्यात आला. यावेळी पर्यावरणशास्त्र विभागप्रमुख डॉ.बी.एल.चव्हाण, डॉ . सोमनाथ वाघमारे यांनीही एसएलएस रिकग्नेशन अवार्ड देऊन सन्मानित करण्यात आले.परिषदेच्या यशस्वीतेसाठी डॉ.एन.डी.निंबाळकर, प्रा.एस.बी. गाडेकर, प्रा.एस.व्ही.पवार, प्रा.टी.एस.शेडोलकर, प्रा.ई.डी.मुळे आदींनी प्रयत्न केले
