शाळा गुणवत्ता मूल्यांकन व आश्वासन आराखडा (SQAAF) अंतर्गत बाह्य मूल्यांकनात देवगिरी कनिष्ठ महाविद्यालयास अ + श्रेणी प्राप्त.

राज्य शैक्षणिक संशोधन व प्रशिक्षण परिषदेमार्फत 2025 26 मध्ये राज्यातील शाळांच्या मूल्यांकनाची प्रक्रिया राबवण्यात आली होती त्यात त्यात देवगिरी कनिष्ठ महाविद्यालयाने अ + दर्जा मिळविला आहे. सन २०२४-२०२५ मध्ये राज्यातील १,०२,६७५ शाळांनी स्वयं मूल्यांकन पूर्ण केले .स्वयं मूल्यांकनात सर्वाधिक गुण मिळवणाऱ्या शाळांच्यापैकी १०७१२ शाळांची बाह्य मूल्यांकन करण्यासाठी निवड करण्यात आली होती. त्यापैकी १०६४४ शाळांचे बाह्य मूल्यांकन पूर्ण करण्यात आले. स्वयं मूल्यांकन केलेल्या व त्यापैकी बाह्य मूल्यांकनासाठी निवडण्यात आलेल्या शाळांच्यापैकी राज्यातून ४२९ शाळांना अ+ श्रेणी प्राप्त झाली आहे. त्यात देवगिरी कनिष्ठ महाविद्यालयाने बाह्यामुल्यांकन मध्ये महाविद्यालयास ४८० पैकी ४६६ गुण घेऊन अ+ श्रेणी मिळून यश संपादन केले. या महाविद्यालायामध्ये महाराष्ट्रात सर्वाधिक राष्ट्रीय खेळाडू, अंध विद्यार्थ्यांसाठी देशातील सर्वाधिक सुविधा पुरविणारे महाविद्यालय, महाविद्यालयात जे-ई-ई निट साठी विशेष तयारी वर्ग, अत्याधुनिक सोयीसुविधा पुरवणारे महाविद्यालय, NEP २०२० ची प्रभावीपणे अंमलबजावणी करणारे महाविद्यालय आहे.
महाविद्यालयाच्या या यशाबद्दल राज्य शैक्षणिक संशोधन व प्रशिक्षण परिषद महाराष्ट्र पुणे चे संचालक डॉ. हेमंत वसेकर यांनी विशेष अभिनंदन केले. मराठवाडा शिक्षण प्रसारक मंडळाचे अध्यक्ष मा. प्रकाश सोळंके, सरचिटणीस आ. सतीश चव्हाण, केंद्रीय कार्यकारिणी सदस्य मा. त्र्यंबक भाऊ पाथ्रीकर, शिक्षणाधिकारी श्रीमती अश्विनी लाठकर, महाविद्यालयाचे प्राचार्य डॉ. रवि पाटील, माजी प्राचार्य डॉ. अशोक तेजनकर, उपप्राचार्य प्रा अरुण काटे, उपप्राचार्य प्रा. ज्ञानेश्वर हिवरे, जे-ई-ई निट संचालक प्रा. नंदकिशोर गायकवाड, SQAAF समन्वयक डॉ. बाळासाहेब शिंदे, पर्यवेक्षक डॉ. किरण पतंगे, डॉ. सिमा पाटील, प्रा. रवींद्र पाटील, डॉ. राजन राजपूत, डॉ. मनीषा नाईक, शिक्षण विस्तार अधिकारी श्री. डी. टी. शिरसाठ तसेच सर्व शिक्षक व शिक्षकेतर कर्मचारी यांनी अभिनंदन केले.