छत्रपती संभाजीनगर, दि.५ : संयुक्त राष्ट्र संघाने घोषित केलेली शाश्वत विकास उद्दिष्टयपूर्ती (Sustainable Development Goals) ही सन २०३० मध्ये पूर्ण करावयाची आहे. यासाठी ’मटेरियल सायन्स’ या क्षेत्राचे योगदान महत्वपूर्ण ठरेल, असा विश्वास स्वारातीर्थ विद्यापीठाचे प्रकुलगुरु डॉ.अशोक महाजन यांनी व्यक्त केला. तसेच विकसित भारत @२०४७ यामध्येही ’मटेरियल सायन्स’ महत्वपूर्ण भूमिका निभावेल, असेही ते म्हणाले.
डॉ.बाबासाहेब आंबेडकर मराठवाडा विद्यापीठातील पदार्थविज्ञान विभागाच्या वतीने ‘इनोव्हेशन इन मटेरियल्स सायन्स फॉर सस्टेनेबल फ्युचर’ या विषयावरील परिषदेचा समारोप गुरुवारी सायंकाळी झाला . विभागातील वरिष्ठ प्राध्यापक तथा विज्ञान व तंत्रज्ञान विद्याशाखेचे अधिष्ठाता डॉ.महेंद्र सिरसाठ यांच्या गौरवार्थ ३ ते ५ फेब्रुवारी दरम्यान घेण्यात आली. मा.कुलगुरु डॉ.विजय फुलारी अध्यक्षतेखाली नाट्यगृहात उद्घाटन कार्यक्रम झाला. तर प्रकुलगुरु डॉ.वाल्मिक सरवदे अध्यक्षतेखाली समारोप झाला. यावेळी स्वामी रामानंद तीर्थ मराठवाडा विद्यापीठाचे प्रकुलगुरु डॉ.अशोक महाजन (नांदेड), डॉ.फोरन सिंग व प्रा.एन.एल.सिंग (नवी दिल्ली), कुलसचिव डॉ.प्रशांत अमृतकर, परिषदेच्या अध्यक्षा डॉ.प्रवीणा उगीले, डॉ.एम.डी.शिरसाठ, कन्व्हेनर डॉ.बी.एन.डोळे व सचिव डॉ.प्रभाकर उंदरे यांची मंचावर उपस्थिती होती. यावेळी डॉ.अशोक महाजन म्हणाले, युनायटेड नेशन्स संघटनेने सण २०३० पर्यंत ’सस्टेनेबल डेव्लपमेंट गोल्स’ साध्य करण्याचे उद्दिष्टय समोर ठेवले आहे. गेल्या काही वर्षात जगातील १९० देश याचा परीपूर्तीसाठी प्रयत्न करीत आहेत. या पार्श्वभुमीवर पदार्थविज्ञान विभागाने अत्यंत महत्वपूर्ण विषयावर परिषदेचे आयोजन केले. या क्षेत्रात कृत्रिम बुध्दीमान यासह अनेक बदल होत आहेत. डॉ.महेंद्र शिरसाठ यांनी संशोधक म्हणून उत्तम कार्य केले याच्या आदर्श तरुण संशोधकांनी घ्यावात, असे वाहनही डॉ.महाजन यांनी केले. तर विद्यापीठाच्या इतिहासात एक महत्वपूर्ण परिषद हि ठरेल, असे डॉ. वाल्मिक सरवदे अध्यक्षीय समारोपात म्हणाले. डॉ.शिरसाठ यांनी ’मटेरियल सायन्स’ या क्षेत्रात दिलेले योगदान अत्यंत महत्वाचे असून युवा संशोधकांनी त्यांचा आदर्श घ्यावा, असे आवाहन कुलसचिव डॉ. अमृतकर यांनी केले. तर गेल्या तीन दशकांत अध्यापन व संशोधन क्षेत्रात काम करता आले, विशेषतः गुरुजनांचे मार्गदर्शन, विद्यापीठाचे पाठबळ व संशोधक विद्यार्थ्यांचे सहकार्य ही माझ्या यशाची त्रिसुत्री राहिल्याचे डॉ.शिरसाठ म्हणाले. प्रा.एस.एस.हुसेनी व डॉ.रुपाली कुलकर्णी यांनी सूत्रसंचालन केले. डॉ.माधव रोडे यांनी पाहुण्यांचा परिचय तर डॉ.प्रभाकर उंदरे यांनी आभार मानले. परिषदेत देशविदेशातील ४६४ शोधनिबंध सादर झाले. या परिषदेसाठी विभागातील प्राध्यापक, संशोधक विद्यार्थ्यासह कर्मचारी यांनी प्रयत्न केले.
कॅप्शन :
१.आंतरराष्ट्रीय परिषदेच्या समारोपप्रसंगी प्रकुलगुरु डॉ. अशोक महाजन यांनी मार्गदर्शन केले. यावेळी कुलसचिव डॉ.प्रशांत अमृतकर, डॉ.प्रवीणा उगीले, डॉ.एम.डी.शिरसाठ यांच्यासह उपस्थित मान्यवर.
२.आंतरराष्ट्रीय परिषदेच्या समारोपप्रसंगी प्रकुलगुरु डॉ. अशोक महाजन यांचे स्वागत प्रकुलगुरू डॉ वाल्मिक सरवदे यांनी केले. यावेळी
यावेळी कुलसचिव डॉ.प्रशांत अमृतकर, डॉ.प्रवीणा उगीले, डॉ.एम.डी.शिरसाट यांच्यासह उपस्थित मान्यवर.
३.आंतरराष्ट्रीय परिषदेत पोस्टर प्रेझेंटेशन स्पर्धा घेण्यात आली. यावेळी पाहुण्यांच्या हस्ते पारितोषिक वितरण करण्यात आले. यावेळी कुलसचिव डॉ.प्रशांत अमृतकर, डॉ.प्रवीणा उगीले, डॉ.एम.डी.शिरसाठ यांच्यासह उपस्थित मान्यवर.
पोस्टर प्रेझेंटेशन
आंतरराष्ट्रीय परिषदेत ’पोस्टर प्रेझेंटेशन’ स्पर्धेत ३१३ संशोधक, शिक्षकांनी सहभाग घेतला. या परिषदेत पोस्टर पे्रझेंटेशन गटात २४१ व ओरल प्रेझेंटेशनमध्ये पीपीटी ७२ जण अशा एकूण ३१३ जणांनी सहभाग घेतला. यामध्ये सोलर बॅटरी, सोलर सेल, सेन्सर्स, पालीमर, कार्बन नॅनो टयूब,क्वांटम कॉम्प्युटिंग आदी विषयावर विद्यार्थ्यांनी सादरीकरण केले. दोन्ही गटातील विजेत्यांना पारितोषिक प्रदान करण्यात आले.
मान्यवरांचा सहभाग
मा.कुलगुरु डॉ.विजय फुलारी यांच्या मार्गदर्शनाखाली सदर परिषद घेण्यात आली. तीन दिवसात पाच सत्रात २४ तर पॅरलल सत्रमध्ये १७ तज्ज्ञांनी मार्गदर्शन केले. यामध्ये प्रा.री.ईची मुराकामी (जपान), प्रा.मेंग लीन टीसाई (तैवान), टिबोर हिमानिक (स्लोव्हाकिया), प्रा.डाँग हा किम, डॉ.डेनिसन सवॅरिराज (दक्षिण कोरिया), प्रा.मायकल पियासेकी (पोलांड), प्रा.एम.आय.सय्यद (जॉर्डन), प्रा.ए.के.प्रसन्न (तैवान विद्यापीठ), प्रा.री.इची मुराकामी (जपान), प्रा.अजयान विणु (ऑस्ट्रेलिया), प्रा.मोहम्मद चिमी (फ्रान्स), प्रा.याटीग नी (चीन), प्रा.इलियास स्टॅरोस (ग्रीस), प्रा.जाँग रेन हुआंग (तैवाण), प्रा.एम.एस.बडावी (इजिप्त) व डॉ.गजानन बोडरवे (दक्षिण कोरिया) यांचा समावेश आहे. तसेच डॉ.डी.के.असवाल (बार्क) यांच्या देशातील विषयतज्ज्ञ विविध सत्रात सहभागी होणार आहेत. तीन दिवसात पाच प्लॅनेरी सत्र व चार पॅरलल सत्र घेण्यात आले.
डॉ.सिरसाठ यांच्या गौरवार्थ आयोजन
पदार्थविज्ञान विभागातील वरिष्ठ प्राध्यापक तथा विज्ञान व तंत्रज्ञान विद्याशाखेचे अधिष्ठाता डॉ.महेंद्र सिरसाठ हे साडेतीन दशकांच्या सेवेनंतर येत्या मे महिन्यात सेवानिवृत्त होत आहेत. पदार्थविज्ञान व इलेक्ट्रॉनिक्स विभागप्रमुख, संचालक डीडीयुकेके, अकॅडमिक संचालक स्टाफ कॉलेज, कुलसचिव आदी पदांवर त्यांनी कार्य केले आहे. तसेच ३२० शोधनिबंध परिषदेत प्रकाशित झाले आहे. डॉ. शिरसाठ यांनी आपल्या कार्यकाळात ११ कोटी ८७ लाखांचे प्रकल्प निधी विविध राष्ट्रीय संस्थांकडून आणला. तसेच इलेक्ट्रॉनिक्स विभाग सुरु केला. सोबत ३१ विद्यार्थ्यांनी त्यांच्या मार्गदर्शनाखाली पीएच.डी प्राप्त केली आहे. त्यांच्या कारिकिर्दीचा गौरव म्हणून पाच दिवस आंतरराष्ट्रीय कार्यशाळा, परिषदेत मंथन झाले.
