सिल्लोड येथे बकरी ईद उत्साहात संपन्न झाली. ईद निमित्त मुस्लिम बांधवानी शहरातील ईदगाह येथे एकत्रितपणे नमाज अदा केली. सकाळी 8:30 वाजता ईदगाह येथे ईदच्या नमाजला सुरुवात झाली होती. नमाज नंतर मंत्री ना. अब्दुल सत्तार यांच्यासह युवानेते अब्दुल समीर यांनी उपस्थित मुस्लिम – हिन्दू बांधवांना बकरी ईदच्या शुभेच्छा दिल्या. दिवसभर सर्वत्र ईदचा उत्साह पहायला मिळाला. तर संपूर्ण शहरात सर्व धार्मिय बांधव एकमेकांना गळाभेट घेत ईदच्या शुभेच्छा देतांना दिसले.
ईदगाह येथे बकरी ईद निमित्ताने शुभेच्छा देण्यासाठी विविध पक्षाचे पदाधिकारी , अधिकारी व सर्वधर्मीय नागरिकांची उपस्थिती होती.
मंत्री अब्दुल सत्तार यांना ईद निमित्त शुभेच्छा देण्यासाठी सेना भवन येथे नागरिकांनी मोठी गर्दी केली होती. यावेळी पदाधिकाऱ्यांसह प्रशासकीय अधिकारी, कर्मचारी, कार्यकर्ते, व्यापारी व नागरिकांची उपस्थिती होती. यावेळी ना.अब्दुल सत्तार यांनी उपस्थितांना बकरी ईद च्या शुभेच्छा दिल्या.
